有關飯局...

我攞左兩日假，為兩件事...湯生請客、毛毛考試。

星期六傍晚湯太來電話會接埋我地一齊去...湯生好有心。今次湯生花盡心思喺大酒店嘅美式扒房訂左間VIP房，我都係第一次去啲環景咁清靜咁舒服嘅扒房食飯。

我地一行7人入到房坐定之後，就有個服務員入黎同我地介紹飲品、食材，有牛扒、海鮮、甜品...非常細心週到。氣氛、食物都高水準，每道菜之間都有一班服務員為大家換餐具及補充飲品，服務非常專業。

咁大個麵包食左都唔使食其他野啦...又香又軟又熱...忍唔到...食左半個

煙肉帶子卷...帶子好鮮味, 肉好爽....

蟹餅...啖啖肉...差啲唔夠分...好味

呢一碟係生肉...我好少食生肉都覺得好味...

龍蝦湯...味道好濃...蝦肉好爽好彈牙

凱撒生菜沙律...材料新鮮...啲菜索索聲

唔知點解...呢一碟薯條成枱人都爭住食...超好味

薯寶...圓碌碌都唔知點樣入手...但好快就食清...

脆焦糖蛋布甸...食過之後你會念念不忘...好掛住佢啊...

詠琪嘅至愛...朱古力慕絲

大家都話超好味嘅...心太軟...仲 encore 左一個...

今次飯局食左4個鐘，散席前服務員仲為主角同大家拍照留念...除左美味嘅食物令大家非常滿足之外，更大得着嘅係大家相聚心靈上嗰種滿足...

---

• 留言者: 圓咕碌
• Email: bottle312@yahoo.com.hk
• 網址:
• 日期: 2009-05-20 13:31:00

睇見啲食物都想食 ~!!
[版主回覆05/20/2009 16:06:00]有機會見到你我請你食... BY毛爸毛媽&毛毛