準備考試

毛毛黎緊嘅星期六要考試喇...到時要家長陪住一齊考，我特別攞假陪毛媽去，毛媽好緊張同擔心毛毛考試 "肥老"。

咁即係話呢個星期毛毛同毛媽都有好多練習要做...。每朝除左我帶毛毛戶外練習之外...返到屋企毛媽親自監督毛毛練習(早同晚)...毛媽同毛毛都會有幾日忙。

毛毛 : 喺屋企有毛媽監督要練好耐架...

自從上完第五堂之後，導師建議為配合毛毛行為、個性、同服從性更換另一種 “頸帶”講起上黎毛毛用左效果幾好，而且好快習慣，呢兩日仲好服從指令(同之前比)。

毛毛 : 同毛爸一齊就輕鬆得多喇...

毛毛以前帶嗰條訓練“choke chain”搶繩嘅時候條鏈就扯到好緊，緊到毛毛咳，其實我好擔心架。

不過個百厭仔好曳曳冇其他辧法...

毛毛 : 我換左條 "頸帶"呀...

星期六考試毛毛努力呀 !毛毛我地支持你...你...你...

毛毛 : 成功忍住唔食，毛爸話我叻呀...毛爸話要正經練習唔準笑喎...乜考試要考埋唔準笑咩??????

---

• 留言者: F
• Email: F
• 網址:
• 日期: 1970-01-01 08:00:00

F