假期遇上雨天

2015年2月1日（星期日）

今朝一直都雨粉粉，路面慢慢咁濕透，又要取消帶毛毛出去玩嘅計劃，毛毛小朋友又要等一個星期。

毛媽親自幫毛毛裝身著上雨褸，毛毛表現安靜⋯落到街都好乖，行咗一陣頭仔已經濕透，係時間返屋企喇。

毛毛今朝少咗一份興奮嘅情緒⋯可能冇得去玩而失望⋯

毛爸：毛仔，我哋去玩水喇...

毛毛：毛爸，乜唔係去玩執波波咩？

毛毛：冇得阮執波波有乜咁開心啫...

單車日誌…心中魔鬼

2015年2月1日（星期日）5：45 天黑黑 微風 11·9度

天色黑灰灰、氣溫凍冰冰、路上雨粉粉、街上冷清清⋯好後悔離開暖暖嘅被窩出門去踩單車。

寒流刺骨、全身濕透、手腳發麻⋯令騎車路上感覺淒涼落寞⋯非常孤獨...

直到身體發熱⋯感覺慢慢改變⋯當全熱身⋯感覺越來越舒適⋯更令心情開心興奮⋯咁極端心情原來係心魔作怪⋯你哋有冇試過？

毛爸：今早天氣寒冷...路上揾個人䏲下都冇...孤獨哋騎車...

毛爸：雨水令視覺也變得濛濛不清...

多謝大家關心＂多事幹嘅毛毛＂⋯感動

2015年1月30日（星期五）

過去嘅十幾日毛毛都俾咗好多驚嚇屋企人，更令大家擔心毛毛實在不好意思，多謝大家關心⋯令毛家感動。

毛毛行為嘅改變相信係⋯突然少咗個人陪伴、少咗時間照顧所至（工人請假已經半個月），有時候我哋認為日常有少少嘅改變不足以影響小朋友嘅生活，今次正正係忽略呢種改變令小朋友不安⋯令我哋錯誤估計⋯

毛爸：毛毛突然咁百厭...真係好難怪...佢又唔識點同我哋講...

毛毛：毛爸，唔好再鬧我喇...不如多啲陪我啦...

毛爸：無奈...

毛毛無精打采⋯原來

2015年1月28日（星期二）

今又好晏先放工⋯入門口毛毛冇迎接我，只係無精打采喺梳化搖尾，走埋去抱抱佢都拒絕同唔願意，獎勵零食都冇興趣⋯毛毛唔舒服？

幫毛毛裝好身落街散步⋯一落到街⋯毛毛第一時間閃埋路邊尿尿同便便仲係好大＂督＂同好大＂堆＂，之後⋯毛毛就一切都＂正常＂番⋯我估毛毛係三急強忍唔舒服，但屋企騎樓有＂尿板＂毛毛點解吾去解決呢？難明⋯

毛爸：毛仔，死忍會搞出病咖...

毛毛：我都唔知點解喎...

毛媽大叫⋯毛毛嘔血呀！

2015年1月25日（星期日）

星期五朝毛毛同平日一樣⋯散步、玩遊戲丶食餐⋯非常精神，當毛媽執房整理毛毛床鋪期間⋯

肥仔，你快啲來睇⋯毛毛噚晚嘔到周圍都係⋯好似係血黎咖，嘩～咁大件事？經過檢查發現⋯

好多血紅色嘅物體同一粒粒白色小方體，液體有一陣陣生果味⋯以往經驗咁嘅情況多數毛毛應該係呑咗太大粒嘅蘋果粒，至於血紅色係紅色火龍果⋯消化不良引起嘔吐，真係嚇得一身冷汗。

毛毛：我都嚇嚫...咁嘅情況要「禁食」咖...好彩玩咗又食咗餐啫...

大退潮

2015年1月25日(星期日)

今朝帶毛毛去氹仔邊友宜橋頭散步…遇啱大退潮，咁…帶咗毛毛落海灘行沙地，毛毛梗係開心喇。

毛毛對退潮嘅海灘非常好奇，仲有好多發現，實情我都好好奇…㸃解毛毛對海灘咁有興趣呢？仲玩到唔舍得走…

毛毛：嘩～行過嘅地方...有腳印咖...爽呀...

毛爸：你成腳都係沙...俾你毛媽知到...嗰陣你仲爽呀...實鬧死

毛毛：毛爸，你睇好大條「龍俐」呀...今晚可以加餸喇...

毛爸：毛毛對於海灘嘅野好有與趣喎...

毛毛：毛爸，我又有發現喇...又大隻呀...使唔使帶返去俾媽咪呀？

毛爸：帶你個帶頭...玩夠喇...返屋企喇...

毛毛隻腳幾時受咗傷呀？

2015年1月25日（星期日）

星期四朝早帶毛毛散步返屋嘅時候⋯發現毛毛行路拐拐吓，毛毛幾時受傷我都唔知？我即時幫毛毛檢查腳仔⋯冇特別發現亦都冇受傷情況，毛毛就拐拐咁行返屋企，返到屋企細心檢查⋯都冇發現...係由乜野原因引起呢⋯擔心。

直到例行散步後洗腳仔嘅時候有所發現⋯原來毛毛右後腳腳版底攝咗一粒好硬嘅「香口膠粒」，處理之後毛毛行動變番正常⋯

毛爸：毛毛返屋企嗰陣好似著住一隻高踭鞋行路咁...拐下拐下...

洗乾淨腳仔之又百厭番...今次好搞笑

毛毛反應令我尷尬

2015年1月24日（星期六）

今朝帶住毛毛等電梯…遇到隔離單位嘅年輕夫婦出電梯，位姐姐戰戰兢兢咁慢慢行…但毛毛都係狂吠佢。

電梯喺7樓停…有位哥哥同姐姐入電梯…毛毛就好似失控咁狂吠佢地，嚇到姐姐同哥哥跳返出電梯…仲好有禮貌咁同我講：你哋落去先啦，我哋等下一部。

毛毛行為表現嚇嚫人哋…實在令家長十分尷尬…俾人覺得毛毛冇家教，我借呢度向當時嘅哥哥姐姐道歉…，請多多包容…

毛爸：毛毛，你好百厭呀！咁...住客會投訴你咖...仲令家人冇面話你冇家教呀...

毛毛：一時失控啫....實情係巧合啫...

毛爸：激死....

家務助理請假十天

2015年1月24日（星期六）

家務助理因私事請假十日⋯到宜家放假已經一星期⋯其間所有家務都由我一人包辦，平日家務助理會照顧毛毛同清潔家居，過去一星期⋯毛毛每日長時間獨自留喺屋企，一直等到我地放工先有人陪佢（我真係好無奈）。

呢排亦都感覺毛毛百厭咗⋯好可能要我哋多啲留意佢⋯

毛爸：毛毛自己開鞋櫃攞毛媽隻拖鞋出來咬爛...盡情破壞...

毛毛咁百厭嘅行為今次係第一次...

我請一班老友返屋企食飯呀！

2015年1月18日（星期日）

我經常下廚煮野俾家人食⋯餸菜都以"住家菜＂為主。

好榮幸得到身邊嘅好朋友支持⋯星期六晚我第一次親自下廚煮幾道菜請朋友返屋企食飯。

幾道簡單餸菜贏得眾老友嘅讚...真係令我高興，傾計談心、充滿溫馨氣氛...更是一大得著...有一班老友嘅陪伴係一種幸福，人生難求。

魚片沙律、醬油雞、大蝦、太太最拿手嘅蒸蛋...

蕃茄飯、蜜糖豬手、最受歡迎嘅油菜、太太精制嘅蛋糕甜品...

老友們好多謝你哋咁賞面....感動...

帶毛毛行山

2014年1月18日（星期日）

今朝毛毛開心到狐叫⋯因為有毛媽同我一齊帶佢去行山。

基於好多理由已經連續幾個星期日⋯冇帶家人出去晨運，自己好明白亦同意家人星期日放假⋯要瞓晏啲遲啲起床⋯係理所當然。

但我想法有小小唔同⋯平日返工忙碌基本上冇乜多餘時間陪家人，我放假⋯梗係陪家人啦，我什至將踩單車安排喺凌晨操練⋯剩多啲時間俾家人，但有時都好無奈⋯家人選擇瞓覺都唔俾機會我陪佢哋⋯

毛毛：我同媽咪行先喇...

毛毛：我同媽咪行山有一隊警察哥哥做保鏢咖...

毛爸：呢個告示牌由紅色變成綠色...日子有功...

毛爸：萬綠叢中兩點紅...

可放藥丸入內嘅小零食

2015年1月18日（星期日）

要餵毛毛食藥丸或者藥水係一件好艱難嘅任務，毛毛對藥物氣味非常敏感，以往餵藥用「強行」方式⋯後期改用「有洞芝士」⋯但遇到氣味濃烈同大粒嘅藥⋯以上兩種方法對毛毛嚟講都行唔通。

今次吳醫生介紹一種餵藥小幫手嘅零食⋯非常好用，外形有「龍眼」咁大，質軟可以包住大粒藥，毛毛似乎好鍾意呢種「零食」。

毛爸：以往用嘅送藥小食...包唔到啲大粒嘅藥丸...呢種就冇問題 OK...

地獄(開工)見聞...十幾層樓咁高

2015年1月18日（星期日）

我工作其中一種工程⋯「安裝微波發射天線」，呢種工程係要喺高處或者高山頂建做一個高塔⋯將微波天線安裝喺塔頂。

今次安裝地點⋯路環媽祖文化村隔離⋯離地十幾層樓咁高嘅鐵塔頂，去到現場⋯見到鐵塔畢直⋯嘩～，雖然我冇畏高⋯咁嘅高度一口氣爬上去⋯真係令我心寒⋯

是日有老闆、同事代爬⋯到工程進行就要自己親自上陣⋯我真係有啲驚。

座塔畢直...支援塔上嘅同事...眼痛又頸痛...

從地面爬上塔...都需要啲時間...塔上...大風、凍、陽光猛烈...

我今日喺地面支援塔上嘅同事...嗌到喉痛聲嘶...

同事爬到塔嘅某一點...己經失去蹤影...

呢一項係地獄工作...行外人更認為「不可能完成的任務」

單車日誌,...雨中乘騎

2015年1月18日（星期日）

原本計劃今早出外踩單車⋯但今朝遲咗兩個小時先驚醒起床⋯所以取消踩單車改陪家人去行山。

上星期日凌晨⋯踩緊單車時⋯天氣轉壞⋯突然落雨⋯初時毛毛雨跟住越來越大⋯雖然途中捷返⋯但大雨情況令全身盡濕，自己有雨中踩單車經驗，以當時雨勢同路面狀況嚟睇⋯潛在極度危險。

毛爸：全單車都係泥...全身裝備都係水...

毛毛肚仔生蟲

2015年1月16日（星期五）

吳醫生觀察毛毛同檢查便便樣本後⋯証實毛毛只係肚子生蟲引起腸道膜出血，基本上冇乜大件事。

毛毛：吳醫生嘅表情好愁呀...我可能好大件事呀！

事原⋯毛毛每次食杜蟲藥又嘔又痾爛屎又冇胃口又唔舒服，毛媽更擔心藥物會令毛毛免疫系統崩潰⋯毛媽就改用天然駒蟲藥代締，已經有一段時間冇食杜蟲藥。

 由於毛毛每日都會出街散步，面對肚仔生蟲機會極高，吳醫生建議用食「生大蒜」法防蟲。

毛毛：吳醫生喺張紙度寫好多野...可能我要打針食藥同帶喇叭頸圈呀...慘喇！

今次只需要 14日服食消炎杜蟲藥療程⋯就會好番，吳醫生講：毛毛好健康⋯便便帶血只係個別事件⋯家長無雖太擔心⋯

毛爸：同毛仔講佢冇事...仲有零食獎...衰仔即時開心番，我哋都放心晒...

令全家嚇驚！毛毛便血⋯

2015年1月13日（星期三）

帶毛毛落街散步⋯毛毛正常咁尿尿⋯行行下突然間毛毛擺出便便姿勢⋯表現好用力咁⋯唔⋯

嘩～便出一大灘「血紅色嘅啫喱水」毛毛便血？當時我俾呢種「血案現場」嚇到面都青，我即時攞紙巾執起一部份用報紙包住做樣本放入手袋⋯用水清洗路面，路過嘅行人都眼甘甘望實我哋（我估啲人覺得我係痴線佬），毛媽緊張到打電話去診所約見吳醫生⋯⋯

毛毛：我都唔明毛爸毛媽點解咁驚青...我只係便便嗰陣比平日用力少少啫...我冇野喎...

毛爸：毛毛講得啱...毛仔又好似正常冇事...便便完返到屋企食得、玩得、仲好百厭...

雨中散步

2015年1月13日（星期二）

今朝又落雨⋯雨勢雖然唔大⋯但都幾密，毛毛就好興奮⋯等去散步，落到街⋯路面有好多水氹，毛毛一直都水氹上行同尿尿便便，除咗手腳濕晒之外連Pat Pat都濕透，今朝毛毛唔係好願玩水⋯好快方便完就要趕住返屋企⋯可能天氣太冷⋯

毛毛：嘩～毛爸，外面好大雨喎...我哋係唔係去散步呀？

毛爸：係呀毛毛小朋友...你唔想咩？

毛毛心聲...今次要出動「雨䄛」喇！

2015年1月13日（星期一）

今日傍晚⋯毛爸一放工返到屋企就幫我裝身⋯著「雨䄛」，毛爸話嚫未落大雨帶我落街散步。

出到街⋯好多人都用奇怪嘅眼光望住我哋⋯行咗一陣間⋯雨越落越大⋯毛爸少理一於繼續行，神奇嘅雨䄛百份百防雨但⋯我啲手仔腳仔就盡濕⋯

毛毛：外面好大雨呀！手腳都濕哂.....

毛媽投訴毛毛Lam腳仔

2015年1月11日（星期日）

毛媽發現毛毛Lam隻腳仔...Lam到近腳指部份又紅又腫⋯要幫毛毛修剪毛同搽藥⋯要毛毛帶喇叭頸圈⋯向我投訴毛毛百厭。

實情⋯過去兩星期我都冇幫毛毛修剪腳仔毛同檢查係我梳忽，毛毛每日散步兩次⋯後腳經常擦石屎地難免會擦損而我唔發現...

我覺得最好嘅禦防辦法係⋯加強檢查同留意，講真...毛毛小朋友帶住喇叭頸圈⋯佢都好唔開心⋯

毛毛：媽咪呀...好辛苦呀...可唔可以除咗頸圈一陣呀？

當鋪「德成按」

2015年1月9日(星期五)

續......德成按兩棟建築物…分別當鋪同住宅，一邊係鋪面做生意一邊係住宅，而呢種形式喺傳統中國好普遍…

踏入鋪面...代表行業嘅大屏風....

時間停咗...

當鋪行業嘅「暗碼」...

蝙蝠爪金錢...係當鋪傳統嘅標誌...

喺天台欄邊嘅「旗環」...節日用...

古老時代嘅保險倉庫...

保存貴重物嘅地方...

當鋪後堂...

由呢度去保險倉庫........完

文化遺產當鋪「德成按」(住宅)

2015年1月3日（星期六）

喺澳門「當鋪」係一㮔古老行業⋯位於澳門中區新馬路被列為文化遺產嘅「德成按」當鋪極有代表性，兩棟古舊嘅三層建築物好有中國傳統特色，由於當鋪行業經常存放及交收貴重物品⋯所以建築物設無論外牆、地基、窗台⋯都係用堅硬嘅大麻石做材料，而所有對外門、窗都安裝上圓鐡支做嘅鐡門⋯肯定業者對於保安十分注重，大樓內大部份保留番原來嘅模樣⋯所有樓層、樓梯、圍欄、窗、門⋯都係當時全部用木材人手制做...

對於想了解舊行業、舊式設備同舊嘅經營方式⋯嘅人士係一個好去處。

行業「招牌」與建議物建成一體...

彩色玻璃窗花非常傳統...

古老嘅福字...

地下層嘅石地版...好有立體感...

木樓梯都用木雕通花做裝飾...好富貴...

二樓...

二樓後廳...

三樓騎樓...

好少見嘅旋轉木樓梯...

上天台嘅木樓梯..

住宅全層.......

待續「德成按」當鋪....