毛爸毛媽毛毛豬: 毛毛上堂

2009年3月21日星期六

毛毛上堂

今日個blog由我mo媽負責寫，點解？因為今日係由我帶毛毛去上堂囉。

首先講下點解毛毛要上堂先。你地唔好俾毛毛個樣呃倒，其實佢好曳架…出街搶繩、見狗吠狗、見跑緊嘅人就吠人、有人喺屋企出面行過又吠 (半夜聽到都會吠架)、聽到附近啲狗吠佢又吠。帶親佢出街人地會以為佢冇家教，其實係我地唔識點教。

言歸正傳，等我講下毛毛今日上第一堂嘅情況先。毛毛等緊上堂嗰陣見到其他狗又係狂吠，冇哂佢乎。到個trainer黎到，佢一見到毛毛就話我地唔應該用頸帶，跟住佢就攞左條chock chain出黎幫毛毛戴上同埋示範俾我睇點用，跟住我地就開始行街喇。

個trainer教我一定要俾毛毛行喺我左手邊，要佢同我並排而行，如果佢一超前就chock一chock佢同時講heel。個trainer先示範一次，毛毛果然好聽話唔敢超前。跟住就到我試下，毛毛真係聰明，一教就識。我地行左大約半個鐘，毛毛都好乖跟住我行，只係超前一兩次。真係要俾10個叻佢。希望聽朝帶佢落街嗰陣可以保持到，因為我始終懷疑佢咁乖係因為個trainer喺到。