毛毛好硬頸

平時阿美上到屋企 (下晝6點)，第一時間就放毛毛出騎樓尿尿，毛毛食飯前後都會尿尿同便便架。近排阿美話佢放毛毛出黎佢都唔去尿尿，忍到食完飯之後先去，有時急得滯等唔切出騎樓就會喺廳度賴尿。

由於咁...尋晚太太就困左毛毛出騎樓，要佢尿尿完先食飯。等到過晒食飯時間，毛毛都唔肯尿尿...好硬頸。卒知飯都要喺騎樓食，食飽飯尿尿左，太太先放返毛毛入黎...

臨訓太太又困左毛毛出騎樓，要佢尿尿完先准瞓覺。毛毛寧願瞓喺騎樓都唔尿尿...我見毛毛甘可憐，唯有放返毛毛入房瞓。臨天光毛毛自己出去尿尿，但就屙喺尿板邊......激死!!!

毛毛：拉我都冇用...

 

毛毛：我唔行架...