集體回憶

尋日晏晝帶左momo出去沖涼，因為momo仲未打齊針，所以即做即走。由於我冇車，所以用埋佢地o既接送服務。

個衰仔唔知係咪第一次坐車驚驚，所以o係人地個籠度便便，真係失禮C人。去到沖涼就郁黎郁去，搞到人地話佢曳曳。不過沖完涼o既momo真係好靚仔、香噴噴。可能momo真係唔慣出去沖涼，所以番到屋企好似周身唔自然咁，要warm up一陣先至識玩。

之後夜晚同亞妹&佢囡囡去左睇音樂劇 “The Sound of Music”，真係超好睇，d歌又好聽，睇到我怕爛手掌。呢齣音樂劇，我睇過好多次戲架喇，宜家再睇一次就諗番細個老豆帶我地去睇戲，我妹話好有集體回憶feel喎。