承諾同太太去日本睇紅葉，定左今年十月尾出發。由於係自由行，宜家開始要做功課喇。
自己對日本啲寺廟好有興趣，係遊覽嘅目標之一。太太就對食肆同百貨公司興趣大啲。
首先要定好遊覽目標同編寫行程，呢個重任就由太太全權負責喇（太太上次編排泰國行程非常成功）。太太已經搜集左大量有關東京旅遊嘅資料，今次又辛苦妳喇。姨仔仲幫手提供左一套東京旅遊特輯o既影片，資料詳細，非常感激（我會帶份禮物俾姨仔同盈盈小朋友）。
我自己旅行真正嘅目的係陪家人，離開煩瑣o既生活、工作壓力，等太太同自己充充電…為將來嘅生活繼續努力……
沒有留言:
張貼留言