毛毛俾人落降？？

2013年8月26日（星期一）

毛毛每星期例行清潔耳仔發現...左邊耳仔洗出嚟嘅水係啲帶深黃色嘅水油性，而且仲發現毛毛近排多咗R耳仔嘅動作（毛毛耳仔拆咗線開始經常R耳仔我以為係傷口痕），噚日晏晝帶毛毛去見吳醫生。
吳醫生幫毛毛做咗個大檢查，結果係...毛毛耳仔入面生瘡（係皮膚病嘅一種），治療方法係搽藥膏唔使食藥，但療程要 2星期，除咗耳仔...毛毛嘅體重已經升到 7.5Kg（標準係 6Kg)醫生強調呢個數字係極限，但宜家仲未需要減肥...要做多啲運動。
都唔知點解毛毛喺呢啲月份耳仔就會發病（舊年又係差唔多呢個時間耳仔發炎）真令人擔心...

毛毛 : 毛爸，我耳仔生瘡啫...唔使咁愁喎...
毛爸 : 毛毛，你過重呀...我諗緊點幫你減肥呀...百厭星...
毛毛 : 嘩 ~ 係唔係減糧？嗱嗱嗱...毛爸你千其唔好咁諗呀！