地獄（地盤）開工見聞...平反「地盤佬」形象

2013年8月26日（星期三）

以前我做售貨員嗰陣...遇到啲成身汗味周身灰塵「地盤佬」嚟買野，喺貨場其他客都會用奇異眼光望實佢地，叫番佢哋嘅小朋友番埋身邊，佢地啲眼神好似話：呢班污糟邋遢嘅人快啲過主啦（當時我都有啲咁嘅反應）。
今日有機會接觸呢個行業「地盤建築」先了解地盤佬嘅工作，呢個係一種好古老同辛苦嘅行業...同你哋講你哋未必相信...各位住緊嘅地方以前係一片爛地，各位嘅安樂窩都係地盤工友嘅功勞，啲「地盤佬」靠勞力換錢養家，佢哋好過好多嗰啲著住西裝齋噏嘅人，請大眾唔好睇低啲「地盤佬」。

毛爸 : 你哋都可能唔俾你哋啲仔、女入行...