毛毛令人憂心嘅事...毛毛近排最開心嘅事...

2013年8月4日（星期日）

近排毛毛食餐（狗糧）時時扭計，但毛毛好快就要做手術...而之後唔食餐...咁就麻煩喇，仲會影響身體復原。
由於咁毛媽就重新安排過份餐單（加入雞柳、駝鳥扒、龍脷柳、肉湯同雜菜），另外又買咗啲芝士腸俾毛毛送藥，毛毛一定覺得好奇怪...呢排餐餐加餸同有芝士食開心到爆...

毛毛 : 屋企人錫我係人都知...但呢排有芝士食同日日加餸...好似有少少過份咗...唔通媽咪想我改名叫「肥毛」。