高竇嘅毛毛

2010年10月21日(星期四)

尋日放工返屋企...入門之前叫太太抱住毛毛 , 唔好俾毛毛撲過黎我度...

原因...今日有單外勤要安裝部40寸電視機 , 嗰位客人屋企有隻金毛好似有皮膚病 , 而且通屋都係狗毛同皮屑...所以我放工返到屋企第一時間衝入洗手間沖涼換衫 (我怕我啲衫褲有病菌)。

毛毛 : 巴屎閉喇.....

由我沖完涼行返出廳毛毛就冇睬過我 , 就算有生果食都唔過黎我度 (毛毛逢星期三有生果食) , 到訓覺嗰陣自己行入房唔使我抱...

第朝早毛毛走黎床邊Lam醒我 , 我以為毛少...原來只係佢要落街 "狗有三急" , 毛毛一直到食早餐先同我Friend番 , 毛少爺真係高竇...

毛毛 : 見你咁有誠意就睬番你啦....