動物救護車

2010年8月6日(星期五)

嗰日喺診所毛毛等見醫生嘅時候...有架動物救護車急停喺診所門口，見到Dr.吳好緊張咁衝入黎揾駐場醫生...

喺車度攞左個籃入黎一直行入診療室，籃裏面瞓左隻白色狗狗 (好似係松鼠仔)，跟車嘅狗主係一位外籍女士...。

聽講今朝九點幾嗰陣隻狗狗係喺花籠度跳落地撻親個頭，當場暈左同全身唔郁得。醫生同姑娘喺度搶救狗狗...睇情況好似好嚴重。個主人就喺出面行黎行去，坐立不安，仲猛咁飲水令自己冷靜，啲眼淚不停一直係咁流，流到雙眼都紅晒...

我地見到咁嘅情況個心都好唔舒服，唔想知個結果係點，只係希望隻狗狗平安渡過，等主人放心安心...

毛毛 : 我唔敢睇呀.....