工人通知話：毛毛唔舒服

2016年4月14日(星期四)

噚日傍晚…收到工人通知…毛毛好唔開心…好似係好唔舒服，之後又收到工人通知…毛毛嘔。

當時我同毛媽都好擔心，毛毛會唔會食錯野？或者亂食野中毒？到我哋放工返到屋企發覺毛毛非常「生猛」同「開心」…先放心。

原來毛毛因為消化不良，嘔咗一大嚿好硬嘅肉乾出嚟之後就好番，毛毛呢個小朋友食野好心急，經常都唔咬碎啲食物就吞…所以今次出事…

毛毛：毛爸，我嘔...係唔係要禁食呀？

毛爸：你都冇事...但要晏啲先有得食...

毛毛：咁都好啲...