2011年3月27日(星期日)
每年一次嘅旅行今日出發...目的地係 "蘇梅島"，呢兩年去親旅行都有啲野係放唔低...就係少爺仔毛毛。
雖然屋企有工人阿美照顧毛毛但太太都唔係好放心...我都係...
毛毛 : 毛爸毛媽又話要去旅行喎...即係剩番我一個喺屋企喇...
2011年3月21日(星期一)
前兩日毛爸雖然放假但都冇帶我出去玩，因為太大霧太濕聽講...濕度98%能見度得10米...
毛爸話佢出一出街返黎連啲頭髮都濕晒，屋企啲地扳就立痴痴，毛媽話呢啲天氣好擔心我啲皮膚病會覆發，所以呢幾日就算出街散步都係行停車場...
如果啲天氣再繼續係咁我就遲早...變...宅狗...
毛毛 : 宅狗個樣唔知係唔係咁咖呢?
毛毛 : 呀~悶到震...
2011年3月19日(星期六)
今日好開心...屋企人同我慶祝生日，我3歲啦...
毛爸 : 毛毛許個廣願先喇....
毛毛 : 毛媽超錫我，整左個古怪蛋糕俾我做生日...
毛爸 : 毛毛你許左個乜願呀? 你好似咁嬲嘅 ?
毛毛 : 咩願..唔講得咖...講左就唔靈咖喇...
毛毛 : 呢啲先最實際...
2011年3月19日(星期六)
澳門政府法例規定，澳門人要入大地盤做野一定要有 "牌"(建造業職安卡)...而職安卡訓練課程要讀6個鐘一日嘅課程，仲要通過考試合格者先獲准發 "牌"。
宜家 "地盤佬"唔係求其 "蛋散"就可以做咖，而係一行高尚職業...
今日我就要去考 "牌"希望一切順順利利...
我要努力...仲要加油...
2011年3月18日(星期五)
今朝同毛毛出街散步，行行吓...見前面街口有2隻放繩哥姬出現(以前末見過)，而個2隻狗狗好快見到毛毛，跟住就好似炮彈咁衝過黎...
當時情况有啲奇怪，毛毛雖然狂吠但一直向後退，2隻哥姬同毛毛打招呼(開鼻鼻)，對方表現好友善而且對方主人趕到，仲向我地講Sorry，毛毛就好唔份氣咁...己經冇吠...感覺上毛毛面對呢啲場面表現收歛左好多。
嗰2隻哥姬全程都冇吠過，同毛毛真係成強烈對比...
毛毛 : 佢地好 "叠馬"我有少少歉場...
2011年3月17日(星期四)
幾年前...阿妹送左一對美國版嘅New Balance992跑步鞋俾我...我後生個陣係玩長跑咖。
玩長跑要有恆心仲要經常練習同有時間好好休息...以前份工根本冇可能花時間去跑，但宜家....
毛爸 : 阿妹，妳送俾我對跑鞋宜家有用啦...
毛爸 : 今日雖然好凍好大風...但跑得好開心好爽...仲有毛毛陪跑...正...
2011年3月16日(星期三)
今日係毛毛嘅三歲生日，首先毛爸毛媽祝毛毛 "生日快樂、身體健康、無優無慮、開心成長"...
好似屋企人個個都忘記左毛毛生日...?其實大家諗住放假先同毛毛慶祝啫...
毛毛 : 今日係我三歲嘅生日...又係收禮物嘅日子...
毛毛 : 實在太開心喇...
2011年3月13日(星期日)
尋日同公司攞左個人情，下晝車毛毛去訓練場上堂....
毛爸 : 我地去到嗰陣...啲學員己經排好隊準備上堂...
毛爸 : 毛毛又俾阿Sir點名做示範動作...
毛爸 : 毛媽同毛毛做練習...
毛爸 : 學員做隊形練習...
毛爸 : 毛毛做緊服從練習...
毛爸 : 學員做緊信任服從練習...
毛爸 : 毛毛俾阿Sir讚有好表現...
2011年3月13日(星期日)
呢兩日新聞全部都係日本大地震消息，災情非常嚴重...9級史上最強近符毀滅性嘅大地震及海嘯令日本東北部發生大災難，宮城縣仙台市、福島縣...死傷、失蹤人數還在統計...由地震引發嘅火警、水災、核電廠爆炸...令日本雪上加霜。如果觀音顯靈嘅話請救助日本人民順利度過大災難....
毛爸 : 觀音大士...
2011年3月12日(星期六)
毛毛自從增加左食餐次數之後體重有所增加...兩個星期前毛毛體重都係4點幾Kg...而哩個體重一直都保持。
好耐之前醫生己經建議毛毛最佳體重係6Kg，但持續一年我地為毛毛改狗糧嘅種類、由食狗糧轉食住家飯同增加份量...毛毛體重都冇增加...
宜家毛毛體重升到5點幾Kg...係一個好消息，毛媽就最開心...
毛毛 : 我肥左又重左...因為好多好野食...
2011年3月6日(星期日)
今朝一起身就忙...
7:00帶毛毛出街散步晨運...9:00去氹仔爆竹廠打War Game，10:30去奧林匹克運動場同肥仔强打羽毛球，中午同屋企人食飯，13:30帶毛毛去觀光塔前地跑同做服從練習，15:00帶埋毛毛去Be Be Cafe下午茶...
旁晚同太太出街食飯...好攰呀...
毛爸 : 親子時間毛媽都玩埋一份...
毛爸 : 毛毛梗係玩到癲啦...
毛爸 : 毛毛開心到成個下晝都掛住玩...做練習好唔正經...
毛爸 : 喺Be Be Cafe可以帶埋狗狗入去下午茶咖...
毛毛 : 入面環境唔錯播...毛爸仲叫左麵包俾我食...正...
毛毛 : 今日夠皮喇...好攰好開心呀...
2011年3月6日(星期日)
尋日吳醫生打電話俾毛媽，提醒毛媽帶我去覆診...咁...毛爸毛媽就嗱嗱林車左我去診所覆診...
經吳醫生嘅檢查同便便化驗報告都話我已經好番...唔駛再食藥喇...
毛毛 : 真係天大喜訊....
2011年3月4日(星期五)
Dr.吳話毛毛食餐太急...令肚仔、腸仔都好多氣，由於毛毛食野唔 "趙"遇到某啲消化唔到嘅食物就會出問題。
咁...Dr.吳就編左每日嘅餐同食餐時問...早8:00-自家飯加肉湯、午18:00-K9、晚22:00-自家飯加肉湯加生果，現階段要食藥。(肉湯係針對毛毛少食水)
講起黎都好神奇...毛毛從加左糧同食藥之後非常生猛，仲食極都飽...唔知係啲 "藥"定 "加糧"間題....
毛毛 : 毛媽我有得食未呀?好...好...好肚餓呀...
2011年3月2日(星期三)
毛毛因為腸胃病要食一個星期藥...有消炎藥、消化藥，Ｘ水...毛媽講尋日毛毛食餐嗰陣食食吓突然間慢落黎...原來毛毛簡晒啲藥出黎...
毛毛 : 啲藥丸超難食...仲要食到幾時先唔駛食呀毛爸...
