毛毛心聲...同毛爸去影野鳥

2010年1月9日 (星期六)

毛爸忙完一輪之後攞左兩日假休息，今朝早話帶埋我去影野鳥。

但因為天氣唔好所以揾隻鳥睇吓都冇，毛爸梗係好失望啦...我就好彩有毛媽帶埋野食去同我露天野餐。

今個星期六毛媽特別忙，買餸、入貨準備今晚打邊爐...唔知我有冇份呢。

傍晚毛媽同我散步去左寵物店入貨，見番富富...佢宜家肥嘟嘟好健康，不過佢好似唔認得我。意外嘅收獲係老闆娘話我乖左好多，仲話我返左學零舍唔同啲...

毛毛 : 好彩有毛媽陪，唔係...毛爸實話我嚇走晒啲野鳥...嗰度揾條鳥毛睇吓都冇...

毛毛 : 啲鳥見到毛爸就飛走晒...

毛毛 : 呢餐我都冇份嘅....有得睇冇得食..好慘...