毛爸毛媽毛毛豬

2013年6月10日星期一

早啲出街散步

2013年6月10日（星期一）

呢排一早就陽光普照...成日嘅氣溫都保持喺31度，由於咁晨早就帶毛毛出街散步...一來冇咁熱、另外冇咁多車。
但毛毛就越嚟越難搞，日日朝早都賴床...除咗我起身出廳毛毛會跟我出去申下懶腰之外...之後又走返入房瞓覺...

毛毛 : 毛爸今朝我申請休息，外面熱辣辣...梗係喺房陪媽咪嘆冷氣啦...噢 ~ C服...
毛爸 : 懶惰豬(毛毛)...快啲出嚟裝身去散步...

2013年6月9日星期日

毛毛參加 i dog大比拼

2014年6月9日

（星期日）

毛毛今日參加咗澳門佛光會舉辦嘅 I dog大比併，本來毛毛狀態大勇...但到上台前5分鐘唔知俾乜野嚇嚫毛毛，突然表現好驚，好不安咁要離開會場...除咗垂低條尾之外連零食都唔肯食，到上台比賽嗰陣大出洋相令台下眾嘉賓笑聲震天...其實咁都算係做咗件好事...帶啲歡樂俾大家。

毛毛 : 今次贏硬喇...
毛爸 : 係呀，係呀...最搞笑獎...

留言者: 毛之家
Email: leungmomobaby@yahoo.com.hk
網址:
日期: 2013-06-10 15:36:45

之得我都帶我家毛毛去參加
[版主回覆06/10/2013 21:49:58]下次啦...............By毛毛

2013年6月6日星期四

學藝之旅...金三角(相片)

2013年5月20日
由於近排太忙...旅行番嚟之後有大量相片要處理，影響「學藝之旅」嘅日誌同朋友分享，亦都因為Blog不能處理太多相片...維有將一部份相片獨立發表...(待續)

毛爸 : 企一個位望晒三國邊界...

毛爸 : 極有代表性嘅瑞獸...

毛爸 : 佛祖坐喺江邊...確保三國人民平安...

毛爸 : 泰國邊界...

毛爸 : 金身佛祖...

毛爸 :紅土佛像...

毛爸 : 觀音大士...

毛爸 : 呢啲銅鑼好多寺廟都見到...

毛爸 : 宗

毛毛跳舞

2013年6月6日(星期四)

今朝帶毛毛散完步返屋企...喺大堂等嗰陣...無聊嘅毛毛周圍聞之後，突然跳起舞...先回頭望一望我...跟住向前三步跳一跳...退後幾步急停再向前...咁重複幾次非
常得意精彩，後尾我發覺...原來毛毛喺度玩蝴蝶。

毛爸 : 讚毛毛係Goodboy嗰陣...一睇就知毛毛係幾咁開心...

2013年6月5日星期三

我份工作非常流動，工作點亦非常極端，經常喺三十幾樓天台上開工...陽光普照（實情係曬乾），夏天...高溫加陽光每日要飲 10支礦泉水，大風空氣好（實情係風乾），冬天...冷風加毛毛雨帶住厚手套開工雙手都會冰到冇晒知覺，喺空擴光明嘅環境做野都算係「天堂」。
我亦都經常喺地牢密窒開工...嗰度又黑又暗（開工就好似玩緊耍盲雞），天氣熱嗰陣悶焗到就嚟斷氣，好多地方有績水又惡嗅（開工就好似喺屎坑做野），有啲工作點除咗污糟仲有好多蚊喺嗰度開工等於去咗紅十字會奉獻血咁，呢啲咁黑暗惡劣嘅工作環境...一定係「地獄」。