挑戰寒風

2013年12月29日（星期日）5：40 黑嘛嘛 大寒風  9 度

今朝恢復操練，凌晨開始裝備，今日要加衣⋯今早好凍但毛毛都拖住被出廳陪我。

一落到街已經寒風吹面，冬天運動係有啲難度⋯身體好快會凍、熱身出汗又會覺得凍，寒風凍到手、腳、腰都麻痺哂，都幾辛苦。

有時真係覺得自己好奇怪亦都想唔出一個理由⋯點解自己會做孤身對擴寒流踩車嘅行為，今日大逆風，係踩車大考驗⋯踩30幾公里要花成兩個鐘⋯

毛爸 : 宜家體驗到...「理想」同「夢想」點樣令人爆發恆心同耐力...

毛毛 : 毛爸，咁凍今朝不如休息啦，好唔好？如果你堅持...我都撐你...但最好帶埋我去啦。

毛爸 : 毛仔係其中推動我嘅一個力量...

毛爸 : 呢一帶燈飾非常華麗...每次踩車經過...都忍唔住停低影番張相...