毛少發啷厲喇！

2013年12月29日(星期日)

呢排因傷患影響睡眠…噚日朝就瞓過龍，由於要煲湯俾老爸…非常趕時間，一直都冇埋毛毛，毛毛都算乖…一路跟出跟入。

我就繼續忙洗尿板、準備家人同毛毛嘅早餐、跟住冲凉…毛毛開始失去耐性(我冇發覺)，喺冲凉房好失望行番出去(其實係發脾氣仲擔咗嚿海棉出廳)...

當我梳洗完出廳…嘩 ~ 成地都係海棉…

毛爸 : 嘩 ~ 毛少，你搞乜野呀........

毛毛 : 毛爸，唔好望實我呀...係你唔理我咖...

毛爸 : 毛毛小朋友，你點可以亂發脾氣咖...

毛毛 : 唔 ~