宜蘭地道料理

2013年10月31日（星期四）

民宿女主人全家係宜蘭原居民所以對於宜蘭地道菜非常熟悉同執著，今次介紹我哋去嘅食店同食嘅地道菜都十分精彩⋯

民宿提供嘅早餐其中兩味豬肝同腐乳係家傳秘制，由其嗰味豬肝係好出名嘅手工菜，電視台幾度彩訪主人家嘅製作過程。至於腐乳亦都係限定（每年端午前後釀製），今次食嘅宜蘭菜式⋯道道都好有代表性，講唔晒咁多...

毛爸 : 秘制豬肝非常美味...有啲擔心製作失傳...

毛爸 : 用心做係食得出味道咖...聽講端午前後嘅天氣先適合釀製...限定版...

毛爸 : 秘汁鴨肉...主人家唔肯講秘方...

毛爸 : 呢啲都係地道食品...又特別又美味...

毛爸 : 呢啲係臺灣人嘅家庭餸...蒸肉餅、味雞、蝦炒勝瓜、地瓜粥...

毛爸 : 特色涼伴小食...冬枯、毛豆、黑毛豬...

毛爸 : 舊式打邊爐...淨係個爐已經夠特色...湯底用咸菜做非常野味...

台灣台北車站

2013年11月14日（星期四）

每次到臺灣都以台北車站做中心點，理由好簡單除咗巴士直接到台北車站外⋯走嗰陣都係喺番嗰度搭車出機場。

車站主樓面積好大四通八達⋯轉乘巴士、的士、捷運⋯都有清晰嘅路牌指示，而且車站周圍有好多百貨店、地下商場、食店⋯

今次我哋到步去「下午茶」嗰間高級甜品店、名牌蛋糕店都係喺台北車站…

毛爸 : 雖然我嚟過好多次...但每次嚟到都發覺有好多野唔同咗...

毛爸 : 火車展覽喺台北車站都係第一次見...

毛爸 : 旁邊草地有機械人陪襯...

毛爸 : 呢個機械人最有形...

毛爸 : 呢間甜品屋喺台北好出名咖，喺假日等位要排隊兩個鐘咖...

仲限定最低消費， 90分鐘就要埋單走...咁棘嘅規矩我都係第一次聽到。

台北艋舺龍山寺

2013年11月13日（星期三）

我哋每次到台北必定去龍山寺⋯除左入寺上香、上香油求家宅平安之外⋯仲喺寺內影相（好奇怪每次去到龍山寺都發覺有好多地方都好似未影過相）、去附近嘅食市食野（去太太最鍾意食嘅「香佳鯕魚米粉湯」食湯米粉）、去地下商場買茶葉、茶壺（雖然嗰度啲茶葉同茶壺係一般貨色，但佬闆好客每次都留住我請我飲茶）⋯

毛爸 : 另一個角度嘅龍山寺...

毛爸 : 令人心境激動流水...

毛爸 : 歷史見証...

毛爸 : 好多人嘅夢想...

毛爸 : 觀音大士出遊嘅座駕...

毛爸 : 另一個角度...

毛爸 : 守護者...

毛爸 : 神獸...

毛爸 : 聽店主講...店開咗超過三十年...小菜 8碟 2碗湯米只係Mop$110，消費好平...

好多星級人士都黎幫嚫過，食物地道、食材另類、味道令人回味，我哋到台北玩必到..

台北新富市場

2013年11月12日(星期二)

如果鍾意下廚煮番幾味嘅人一定鍾意行菜市場，過去曾經行過北海道小形魚市場、清邁舊菜市場、清邁唐人街市埸、台北新富市場⋯

由於當地人生活習慣同傳統菜式材料千變萬化，每個地方嘅菜市場都有佢哋嘅特色⋯所賣嘅貨品同擺賣方式...每每叫人驚訝。

毛爸 : 喺龍山寺附近嘅新富市場

毛爸 : 聽呢度啲人講呢檔熟食檔啲鴨超好食...

毛爸 : 第一次見街市入面有檔口賣梳，種類多到...有啲我都未見過...

毛爸 : 大家估唔估到係乜？冇錯係 〝豬頭〞...

毛爸 : 雞檔...令我大開眼界...整齊又分門別類...

毛爸 : 啲皮蛋包裝到好似唐果咁...非常得意...

毛爸 : 有好多檔口都好有來頭...上過報紙頭條咖...

今次去宜蘭旅行只帶部Canon Eos M

2013年11月3日（星期日）

幾個月前Canon官方網站發放咗 Eos M相機新嘅操作程式俾用家升級，無奈我對於電腦係門外漢⋯一直到旅行前⋯由好友俊仔為我部Eos M升級⋯十分感激。

毛爸 : 好多謝俊仔為我部Eos M相機升級，唔該晒俊仔...

新作業系統對焦快咗好多，令我好滿意，今次旅行只係帶部Eos M機⋯但期間發現一個問題就系勁食電好彩我帶咗 3嚿後備電支持到返嚟澳門…

毛爸 : 新作業係統為咗快速對焦不斷偵測...所以好食電...

台北早晨！

2013年11月1日（星期五）

好彩噚日由宜蘭搭車出到台北先大地震（宜蘭5級台北3級），嚟到台北都好想睇吓清晨嘅台北市係點樣⋯所以打算一早起床裝身出外跑步，可惜落雨⋯咁⋯就取消計劃。

冇咗毛毛喺身邊搞搞震⋯真係有啲唔習慣，好似好失落咁。

今日行程緊密⋯一定非常精彩⋯咁⋯可能暫時忘記掛住毛毛⋯

毛爸 : 落雨...經常都打亂安排...

毛爸 : 台北嘅地標...一啲都冇受地震影響...

毛爸 : 呢啲單車可以租借咖...

宜蘭早晨！長跑準備

2013年10月31日（星期四）6：00 密雲 微風 22度

雖然係旅行⋯一早起床已經成為習慣，裝身出外跑步⋯宜蘭嘅早晨令人有不一樣的感覺，環境靈靜、空氣清新、少人少車⋯喺小徑、水田邊跑勁特別丶勁爽，路邊啲樹嘅花散發出醉人嘅香氣⋯令人不斷咁向前跑，不知不覺跑到日出。

毛爸 : 跑出去嘅時候仲係密雲...返嚟嗰陣已經見到太陽...

毛爸 : 草原？

毛爸 : 形態特別嘅香花...

毛爸 : 跑咗好耐...但冇索氣...

毛爸 : 路邊美麗嘅植物....

宜蘭民宿

2013年10月31日（星期四)

今次到臺灣宜蘭玩都係第一次，由機場坐一個半小時嘅車程到「幸福三百米」民宿，嗰度嘅環境第一個印象⋯好多水田、好少高嘅建築物、空氣清新、好清靜令人忘記煩憂。

我哋入住嗰間民宿嘅布置係開放式，大廳、飯廳、廚房、書房、小息平台好和諧咁用一度木樓梯連埋一齊，用好多特色嘅小擺設做裝飾⋯打做成溫暖大家庭嘅風格。

毛爸 : 令人想多啲時留喺度嘅大廳...

今次遊玩嘅景點同地道美食都係由民宿主人Chris推薦。

毛爸 : 熱情又好客嘅民宿主持人Chris...

Chris仲幫我哋安排交通工具「電動機車」作自駕遊，花時間親自講解同指導去景點嘅路線...

毛爸 : Chris用螢光筆提醒我哋景點同地道食店嘅位置...

朝早Chris嘅太太同奶奶親自下廚煮地道小食、希粥俾我哋做早餐。

今次宜蘭自駕遊感覺⋯驚喜、刺激、開心，好多謝Chris為我哋嘅安排...

毛爸 : 屋外嘅憩休地方...一杯香茶在手...忘記所有煩憂...

另我哋渡過愉快又不一樣的假期⋯多謝。

放不下

2013年10月30日（星期三）

人係一種奇怪嘅生物⋯每日都喺鬥爭、利益、忙碌、思念、多種壓力⋯嘅環境下生活，好多人都想放低呢啲煩躁嘅生活逃避現實（暫時）⋯有啲人嘅方法就離開電話同電腦（如果冇咗呢啲野係生活唔倒咖），但我就話去旅行係其中一個最好嘅方法。

但對於我嚟講係另一種壓力嘅開始⋯工人照顧得毛毛好唔好呢？毛毛會唔會＂蝦＂工人呢？買啲乜嘢手信俾阿妹、囡囡、BB、毛毛⋯佢哋呢？原來呢啲思念當你靜落嚟嘅時候就會出現⋯佢代表喺你心裏面最重要⋯永遠放唔低。

毛爸 : 好多人為咗減壓去旅行...

毛爸 : 有人講去旅行就知最掛住係邊個...

毛爸 : 我都同意藍天、白雲、飲飲、食食係會令人拋開煩憂...