2017年7月15日（星期六）
昨日⋯我做完工程運材料返貨倉⋯遇到老闆，老闆一見到我第一時間問有關我背痛傷患同治療情況，又建議我見多幾位醫生，更強調「人夾人緣睇醫生都都係咁」，實情...老闆對下屬體諒同關心...等於幫下屬打咗支強心針。講真好多人都唔會去了解傷者嘅心態，佢哋除咗花長時間治療之外仲要受皮肉之苦，總希望有人支持同鼓勵...
為生活揾食...有好多時候都要頂硬上，唉～鬼叫你窮呀...
2017年7月15日 星期六
2017年4月30日 星期日
地獄(開工)見聞...密閉空間安全課程
2017年4月30日(星期日)
2017年4月26日（星期三）為咗工作上需要⋯老闆安排咗一眾同事到勞工局上＂密閉空間工作安全課程＂，時間晚上7:30～10:30，今次課程係一次性，冇得補考，有30幾位人士參加，自從離開學校⋯都未試過夜晚上堂學，真係有另一番體驗。
內容有密閉空間定義、工作上嘅安全認知、安全評估...等
工作中應用器材...
個人安全裝備...
３小時嘅講座內容廣泛，自問記性好差...好彩順利過關...
2017年3月10日 星期五
2017年3月2日 星期四
2017年2月17日 星期五
2016年8月22日 星期一
地獄(開工)見聞...起貨
2016年8月22日（星期一）
各工種單位日日趕工、加班，今日終算可以停一停，外行人未必明白，交貨時期忙到經常要加班⋯交貨後就會失業過種心情，嗰段時間食飯同去洗手間都係難題。
食飯⋯好天氣，太陽曬住食、落雨天，著雨褸坐喺馬路邊食，用時間同勞累換來一個糊口嘅飯盒⋯⋯心想⋯生活嘅壓力同生命嘅專嚴⋯邊一個重要？？
工友們每日傍晚就會一齊坐係馬路邊食飯...之後...繼續開夜工...
我講放飯係幸福嘅事...大家理解幾多？多謝工友們嘅付出同努力...感謝...
2016年2月28日 星期日
地獄(開工)見聞...轉職五年
2015年2月28日（星期日）
不知不覺咁就過咗 5 年，3月份自己張「職安卡」到期⋯要到勞工局報名再重新考試合格⋯先獲發新証，我好彩過關攞到新証。
我係做電訊行業嘅建站工程，工程施工 "技術性"只係佔工作嘅 2 成其餘嘅係 "體力勞動"，由於我視力、記憶力差⋯所以技術方面難以掌握只識皮毛⋯唯有用勞力補助⋯自問全力以赴。
講真我老闆對我不薄⋯工時短、OT補水、請假唔扣糧⋯，但我發覺我體能都開始走下坡⋯到有朝一日 "冇表現"嘅時候⋯我都要自動自覺⋯作出選擇 "引退"⋯
要上半日課程同考試合格先有証書...
2016年1月6日 星期三
地獄(開工)見聞...極忙
2016年1月6日（星期三）
工程進入重要部分⋯安裝器材，由於要處理4間電訊公司嘅器材⋯GSM,CDMA,3G,4G⋯器材及配件極多⋯所以器材入場需要分成幾日，噚日⋯入器材就體會到更高層嘅辛苦，流程～到貨倉起貨般上貨車（雖然手足眾多但器材更多）～入場缷貨～分派樓層。
當日仲要處理一大貨車嘅器材（後備電源機、電磁、配件），由地盤閘口駁貨到地層存放（來回無數次）⋯勞動咗一整天⋯鞋都爛了。
當日仲要處理一大貨車嘅器材（後備電源機、電磁、配件），由地盤閘口駁貨到地層存放（來回無數次）⋯勞動咗一整天⋯鞋都爛了。
糊狀爛泥同水泥漿令鞋底斷裂入水...對腳全日俾水浸濕...極之唔舒服...
2015年8月8日 星期六
地獄(開工)見聞...熱到冇晒胃口
2015年8月9日（星期日）
呢兩日氣溫出奇高（噚日天文台報導氣溫最高有37度），地盤工地內溫度更高，同事們不停飲水不停出汗，衫褲盡濕透，有人講笑：有全身敷面膜嘅感覺。
由於飲太多水⋯到放飯時間同事們都食欲不振⋯大多數都扒兩啖飯就繼續開工...
有老友問我 Petre：氣溫成36度開工會好辛苦喎。
我好無奈咁答佢＂只會更辛苦、明天更更辛苦＂為搵食⋯頂硬上囉⋯哈哈哈（苦笑）。
由於飲太多水⋯到放飯時間同事們都食欲不振⋯大多數都扒兩啖飯就繼續開工...
有老友問我 Petre：氣溫成36度開工會好辛苦喎。
我好無奈咁答佢＂只會更辛苦、明天更更辛苦＂為搵食⋯頂硬上囉⋯哈哈哈（苦笑）。
毛爸：呢啲咁熱嘅天氣...對所有食物都冇興趣....唯一想嘅係「飲品」...
2015年7月27日 星期一
地獄(開工)見聞...手停口停
2015年7月22日（星期二）
呢排早上返工時間都落大雨，上班十分不便⋯前幾日黑雨（暴雨）又暴風，公司通知放假一日，好多人都會好羨慕我哋有假放，我哋嘅行業受天氣影響而唔可以開工係好平常事。
其實⋯天氣影響施工地方不能開工而放假經常都會有，冇工開對於班同事嚟講係有一定嘅壓力，因為我哋班同事係日薪工資制⋯手停口停...
其實⋯天氣影響施工地方不能開工而放假經常都會有，冇工開對於班同事嚟講係有一定嘅壓力，因為我哋班同事係日薪工資制⋯手停口停...
實情...有時我有個心態...工作太辛苦...想唔要錢...要放假...
2015年7月14日 星期二
地獄(開工)見聞...吾人子弟
2015年7月15日（星期三）
有好多朋友講笑咁同我講⋯介紹佢哋入行，雖然我係做「電訊業」實情有一部份時間喺地盤工地開工，我份工係辛苦同有風險嘅工作加上工地惡劣環境⋯本地人同後生仔都唔願意入行同做唔長，所以我從來都冇介紹人入行，因為...分分鐘俾人麻怨。
我哋做呢行班同事每個人背後都有一個堅持嘅原因⋯養家丶自己學歷低、年紀大咗轉唔到行、為咗可以留喺澳門工作嘅工作証，而我就挑戰自己嘅極限，由於咁我哋行業嘅形象都俾人哋覺得我哋班人都係粗魯嘅人⋯
我哋做呢行班同事每個人背後都有一個堅持嘅原因⋯養家丶自己學歷低、年紀大咗轉唔到行、為咗可以留喺澳門工作嘅工作証，而我就挑戰自己嘅極限，由於咁我哋行業嘅形象都俾人哋覺得我哋班人都係粗魯嘅人⋯
毛爸：生活現實...揾食難...
2015年6月29日 星期一
地獄(開工)見聞...機場禁區
2015年6月27日（星期六）
公司經常要到特別部門申請許可証到機場、碼頭、邊境⋯等地方工作，曾經入機場禁區工作多次，今次工程係到機場控制塔安裝「微波天線」咁嘅工程喺機場禁區係第一次，工程唔難但好多限制，花咗3日時間⋯終於完成。
毛爸：喺機場禁區揸車要有安全車帶領...
毛爸：啲飛機好似喺身邊起飛咁...嘩～好刺激...
毛爸：機場跑道唔準停車唔準步行...除非有特別許可...
毛爸：微波天線另一方安裝喺路環媽祖付附近天線塔上...有 15層樓咁高....爬咗上去...
要坐５分鐘去回到氣...
2015年6月26日 星期五
地獄(開工)見聞...只怕豬一般的幫手
2015年6月25日（星期四）
我份工雖然施工簡單⋯但物料重、高空作業、凌空用力⋯所以係一份辛苦嘅工作。
由於現在施工地嘅項目面積大⋯做運材料、傳遞工具⋯嘅同事會係重要嘅拍當。
呢排上頭派一位做咗一個幾月嘅同事來幫我手，但我唔覺得減輕咗我工作同增加效率⋯反而令我好難向老闆交待。
該同事連手板眼見功夫都話唔識做，極小機會上陣工作，你開工佢只會企喺度望實你⋯態度就係"你都識做唔使我幫手啦＂對工作欠主動，維一最績極係放飯同收工，遇到啲咁豬嘅幫手⋯⋯自己做死。
由於現在施工地嘅項目面積大⋯做運材料、傳遞工具⋯嘅同事會係重要嘅拍當。
呢排上頭派一位做咗一個幾月嘅同事來幫我手，但我唔覺得減輕咗我工作同增加效率⋯反而令我好難向老闆交待。
該同事連手板眼見功夫都話唔識做，極小機會上陣工作，你開工佢只會企喺度望實你⋯態度就係"你都識做唔使我幫手啦＂對工作欠主動，維一最績極係放飯同收工，遇到啲咁豬嘅幫手⋯⋯自己做死。
毛爸：啱啱先食飽飯...又要開工搏殺喇...
2015年6月16日 星期二
地獄(開工)見聞...幸福的午餐
2015年6月16日(星期二)
返地盤開工非常辛苦…長時間全身濕透，經常要狂飲水…咁係會影響胃口咖。又其是午餐飯盒賣相非常差，飯非常硬、餸好咸…簡直令人失去食慾，由於飢餓初初格硬都食咗半盒飯…慢慢開始習慣反而覺得盒午飯好好食…仲好期待。
地盤工地文化…11 : 30放飯 13 : 30開工，呢段時間工友們最開心，好快咁食飽飯然之後瞓個 “晏覺” ，全工友都期望每日嘅午飯…感覺非常幸福。
毛爸：平日我一定唔食呢種飯盒...
2015年5月19日 星期二
地獄(開工)見聞...「濕」不外如是⋯
2015年5月19日（星期二）
以前⋯做零售業店務主管，每逢落雨、落大雨⋯對鞋濕咗少少件衫濕咗就覺得好慘⋯仲要面對場面冷清生意差⋯老闆就會黑面⋯心情慘上加慘。
今日大雨不斷⋯而有一批物料要運入地盤工地，一班手足連同老闆一齊被迫在大雨中工作，雨水、汗水令衫褲全濕，我更不幸跌落污水糟令雙褲腳同鞋都載滿臭到作嘔嘅污水⋯雖然情況咁差，大家都濕住身繼續工作⋯連續7小時（冇放飯，個個都係超人連老闆都係），到放工時候⋯我唔敢同大家一齊行⋯因為除咗全身濕透之外仲全身臭氣沖天…
今日大雨不斷⋯而有一批物料要運入地盤工地，一班手足連同老闆一齊被迫在大雨中工作，雨水、汗水令衫褲全濕，我更不幸跌落污水糟令雙褲腳同鞋都載滿臭到作嘔嘅污水⋯雖然情況咁差，大家都濕住身繼續工作⋯連續7小時（冇放飯，個個都係超人連老闆都係），到放工時候⋯我唔敢同大家一齊行⋯因為除咗全身濕透之外仲全身臭氣沖天…
毛爸：原來濕住身開工係好辛苦咖...由其係對腳...
老闆建議我買番對"靚"嘅安全鞋...嘩～有機會著名牌安全鞋返工喇...
2015年5月1日 星期五
地獄(開工)見聞...5．1勞動節唔使勞動
2015年5月1日（星期五）
經過十幾日嘅趕工⋯同個幾星期嘅加班⋯人嘅體力同耐力已經到達極限，身體由頭至腳指所有關節都岀現累痛，呢大半個月嘅工作更體會到自己年紀大視力同體力極速咁走下坡⋯雖然好擔心，件事或者咁樣睇⋯「呢啲係自然界定律」咁自己會過得開心啲...
五月一號終於可以放假一日⋯好好咁休息下。
五月一號終於可以放假一日⋯好好咁休息下。
有啲人講：老闆無良迫工友加班...
我咁諗：換另一角度睇要工程限期內完成老闆俾機會工友揾多啲錢...
2015年4月26日 星期日
地獄(開工)見聞...趕工趕工
2015年4月26日（星期日）
自上星期正式入大型地盤開工就開始趕工⋯趕工又趕工，除咗佬闆親自帶隊之外仲加人加班。過去嘅一個星期朝九晚六中午直落連星期日都要返工，今日開工開到連中午飯都忘記咗食。佬闆亦非常「識做」平日開工請食中午飯⋯仲講低星期日開工唔使加班⋯早啲收工。
過去嘅一星期...工作辛苦到"極點"...連星期日都要開工...
2015年4月19日 星期日
地獄(開工)見聞...新地盤開工！入場。
2015年4月19日（星期日）
過去嘅星期四⋯一早起床返工場運工具同物料去新地盤⋯作「入場」準備，我哋入去工作嘅大形地盤出名以「工地安全 」行先而且仲嚴格執行，基於安全原則⋯施工物料進場過程同手續非常煩覆⋯入閘、吊運⋯只係運一部份物料都要喺烈日當空下等半日。
但諗深一層⋯為咗安全工作啫，收工嗰陣要"開心平安＂咁返屋企⋯呢個先至係重點⋯
但諗深一層⋯為咗安全工作啫，收工嗰陣要"開心平安＂咁返屋企⋯呢個先至係重點⋯
毛爸：由早上烈日當空曬到中午...
毛爸：見到出閘處嘅標語...就知到管理公司幾咁重視「工業安全」...
2015年3月20日 星期五
地獄(開工)見聞...對於「工業安全」嘅認識...有另一種思維
2015年3月20日（星期五）
由於工作上需要⋯每到大形地盤工地工作都要參加工地建築商提供嘅「工業安全入職課程」⋯最後仲要通過考試合格先可以入工地開工。
以往經驗⋯課程內容都係有關⋯做好個人安全裝備、安全施工⋯等等嘅常識。
今日參加咗一個全日制「工業安全」課程⋯安全導師係一位二十幾歲嘅青年人，態度惡相出位、不可一世、擺教官款，施教方法「吹水」同「講故」，但佢好明確帶出一個信息「地盤工地係一處危險嘅地方、工作上要將生命放第一位、除咗自己安全工作仲要顧及其他工友安全」，佢嘅論點同以往嘅教官唔同，原來有數據指出大多數工業意外係人維因素引起，除咗當時人唔小心或意外...絕大多數令工友受傷都係因為別人自私、大意、貪方便同唔小心做成 。
自己要安全更要顧及工友嘅安全...呢種思維令我獲益良多...
以往經驗⋯課程內容都係有關⋯做好個人安全裝備、安全施工⋯等等嘅常識。
今日參加咗一個全日制「工業安全」課程⋯安全導師係一位二十幾歲嘅青年人，態度惡相出位、不可一世、擺教官款，施教方法「吹水」同「講故」，但佢好明確帶出一個信息「地盤工地係一處危險嘅地方、工作上要將生命放第一位、除咗自己安全工作仲要顧及其他工友安全」，佢嘅論點同以往嘅教官唔同，原來有數據指出大多數工業意外係人維因素引起，除咗當時人唔小心或意外...絕大多數令工友受傷都係因為別人自私、大意、貪方便同唔小心做成 。
自己要安全更要顧及工友嘅安全...呢種思維令我獲益良多...
教窒場地設計帶出安全信息...
雖然大部份工友都好留心聽導師喺度吹水...原因係...導師睇你唔順眼，你就唔使考試...
課窒貼滿安全海報...全部都係試題答案...
2015年2月17日 星期二
地獄(開工)見聞...歲晚收爐
2015年2月17日（星期二）
今年臨過農曆新年特別多工程要趕工⋯到今日仲要返工。
做我哋嘅行業有個不文明規定過農曆新年前5至8日就「執倉」同「收爐」放假，呢大半個月為咗趕工取消休假同時間家務助理又放假⋯令自己除咗工作仲要照顧家人忙上加忙由朝早8點做到晚上9點忙到不亦樂乎，期間仲因工受傷⋯令心情同狀態跌至谷底，睇嚟呢個年假要好好休息喇⋯
做我哋嘅行業有個不文明規定過農曆新年前5至8日就「執倉」同「收爐」放假，呢大半個月為咗趕工取消休假同時間家務助理又放假⋯令自己除咗工作仲要照顧家人忙上加忙由朝早8點做到晚上9點忙到不亦樂乎，期間仲因工受傷⋯令心情同狀態跌至谷底，睇嚟呢個年假要好好休息喇⋯
毛爸：終於放假喇...好嘢...
訂閱：
文章 (Atom)