毛爸毛媽毛毛豬: 毛爸旅遊

顯示具有 毛爸旅遊 標籤的文章。顯示所有文章

2016年10月25日星期二

我哋出發了！

2016年10月22日（星期六）

每次去旅行都會有一個艱難時刻，交毛毛俾工人照顧，由其係今次，因為我同太太都擔心工人管唔住百厭嘅毛毛失控周圍跳跑，再度令啱啱好番嘅腰椎舊患受傷，現在只有相信毛毛已經百分百復原，亦都要相信工人能夠細心照顧好毛毛，真係一切都⋯⋯隨緣。

毛毛年紀長了，身體健康問題令我哋更關注...

2016年10月17日星期一

十月之星旅遊會議

2016年10月17日（星期一）

人生⋯期中必須要做一次嘅事⋯係同一班十月之星嘅老友一齊去旅行，終於噚日喺氹仔開會。

三個家庭一共七名成員今次係由旅遊達人左小姐策劃及領軍，行程極精彩，包括⋯自駕、喪拼、運動及美食⋯。可以同一班老友們相聚一齊去玩係極開心嘅事，心裡面有一種筆墨難以形容嘅幸福⋯⋯感動了。

今次嘅目的地......

2016年3月8日星期二

不一樣的台北旅遊

2016年3月8日（星期二）

每年總會有一、兩次到臺灣旅遊，目的係陪家人散心、茶葉、氣槍同單車部件、食物、風景⋯近年多咗探朋友。

今次好多謝台北嘅好朋友FION、MATT出動全家為我哋安排遊覽景點（賞櫻MATT專車接送）及單車暢遊（由MATT親自領路）午、晚飯。

今次不一樣嘅台北旅遊令我哋非常䁔心同開心⋯十分多謝FION、MATT一家嘅熱情招待⋯感謝⋯感動。

台北...西門町

三芝

路邊的小花

新北市淺水灣

呢位開心嘅小朋友有極強嘅感染力...佢嘅笑聲令我忘憂

風力發電站

我哋晚飯嘅地方小魚村

令我熱血沸騰單車徑...

MATT、FION識到你哋係我嘅榮幸...多謝你哋。

2016年1月2日星期六

泰悠行…飲飲食食

2016年1月3日（星期日）

2015年12月22日（星期二）今次泰國旅行家人對我嘅飲食⋯辛辣類（咖哩）、蛋類（糖心、炒蛋）、甜品類（雪糕、榴槤、蛋糕）、飲品類（汽水、凍飲）、份量⋯全面解放，原因係我體重跌破底線，標準 63公斤（138磅），但近期我經常不達標⋯只有 61公斤（134磅）有條件大飲大食。

我好了解同明白太太對我日常飲食嘅提示、限制⋯係為我健康著想，但我更相信我自己對身體健康、選擇食物、份量⋯係有堅決嘅自制能力⋯太太，請不要為我過份擔心⋯謝謝。

美味豐富嘅食物令我差啲失控...

2015年12月26日星期六

2015年年12月19日（星期六）由於恐怖襲擊影響泰國對旅客安檢明顯加強，但估唔到係由澳門機場開始，每位旅客需要到特別櫃位核對性名⋯以防你係恐怖份子或黑名單，再到另一個櫃位辦理託運行李及登機手續⋯十分花時。

到泰國入境⋯核對身份及安檢足足要排隊等50分鐘，而曼谷境內所有地鐵站、百貨公司⋯都設有檢查站，警察用金屬探測器⋯檢查旅客嘅背包，需然為旅客帶來麻煩及緊張⋯但呢種情況都被市內濃厚嘅聖誕節日氣氛打破⋯

喺澳門機場辦登記同託運行李...要排兩次隊...

曼谷商業區聖誕節日氣氛濃厚...令大家情緒高漲...聖誕快樂呀！

泰悠行⋯4D電影

2015年12月26日（星期六）

2015年12月21日（星期一）清晨嘅曼谷一樣十分熱鬧...

今日我哋同小姨分成兩隊本來各自安排節目，但興之所至大家讚成一齊睇電影，有人覺得旅行時花135分鐘睇戲係浪費咗行街買野嘅時間，我自己就認為好難得大家目標一致⋯係值得。

套電影「星球大戰」系列＂原力覺醒＂4D版，估唔到喺曼谷只需要 HK $ 108 就可以享受4D電影嘅震撼⋯大家都高叫＂好好睇、刺激到好似坐過山車咁、正、好過引＂同場嘅外籍人士仲拍爛手掌，結果更估唔到嘅係太太同姨甥女都異口同聲話＂我哋要睇番「星球大戰」系列⋯＂

今日壓軸睇夜景⋯

入場前影番張相...

除咗家人仲有佢哋陪睇戲...

開場喇...

曼谷早晨...

大商場到處都有小象展覽...

揪象

好靚嘅夜景...

精彩...

2015年12月25日星期五

泰悠行…3D博物館

2015年12月25日(星期五)

2015年12月20日（星期日）今日節目安排⋯除咗「馬殺雞」之外就去行街、喪拼、去3D博物館⋯。

3D博物館⋯由酒店去到目的地交通唔算覆雜⋯3D博物館喺商場頂樓，館嘅入口非常簡陋令大家強差人意同有啲失望。但館內環境潔淨3D畫令人有驚喜，大家玩自拍、個拍、隊拍、狂拍、玩到癲⋯非常開心高興。

世事就係咁奇怪⋯平凡簡單嘅事往往令人得到最大嘅滿足，今次嘅得著我要銘記。

太太去喪拼...

姨甥女表情十足十分可愛...

太太去探險...

我頂唔順喇...

反思

自由了....

終於見到你喇...

飛行...

終於可以上封面之～年度最佳攝影C

年度最佳太太

走先...

2015年12月24日星期四

泰悠行⋯安全到步，曼谷你好！

2015年12月24日(星期四)

2015年12月19日（星期六）兩個多小時嘅飛行⋯我哋終於到達曼谷，由於入境安撿、交通擠塞、入住房間、兌換泰幣⋯等等問題擔誤好多時間，舟車勞頓...需然第一時間到商場搵野食⋯但都己經旁晚七點幾，今晚大家狂食地道菜、甜品、水果⋯非常滿足咁返回酒店。

今次旅行有小姨及小姨甥女同行，感覺姨甥女大得好快⋯見佢亭亭玉立⋯令我安慰，更開心嘅係改善咗同姨甥女嘅關係，BB嗰陣佢係極度唔願俾我抱抱，現在⋯關係好到攬頭攬頸，信任同親情比一切都珍貴。