令人憂心嘅毛毛...毛毛最近愛上睡

2019年11月05日（星期二）

毛毛已經十一歲，體能同活力有明顯下降係事實，但自己內心好難相信，（現實係非常冷酷嘅）現實嘅事只好接受.....。

近排毛毛連食零食都表現冷淡，好似啲零食毫無吸引力咁，經常走返入睡房瞓覺，雖然毛毛冇唔正常嘅反應，家人內心難免好擔憂。

幸運地毛毛現在仲健健康康、飲食好胃口、行走靈活，玩玩具打交好有火......

自己內心有強烈希望毛毛一直保持百厭活潑開心健健康康咁生活......

毛毛、狄狄清晨嘔吐

2018年6月28日（星期四）

幾日前嘅清晨⋯俾啲奇怪嘅聲音驚醒，毛毛作嘔⋯而嘔嘅動作持續半分鐘，好辛苦咁嘔咗一啖「帶黄色泡沫嘅口水」，之後毛毛就一切正常番好似乜嘢事發生過咁。毛毛好似知道咁如果佢再嘔吐⋯毛媽就會下令要毛毛「禁食」。

呢個情況隔日又再發生，為咗呢件事毛媽搜集資料結果⋯狗狗胰臟發生問題會係咁嘅症狀，現在只有細心留意觀察。

狄狄幾乎同一時間發生同一問題，但嘔吐物係「帶白色泡沫嘅透明水」，想像唔到兩兄弟點解同一個清晨一齊嘔吐，更令家人聯想唔到兩兄弟點解嘔吐嘅共通點⋯⋯全家都十分擔心。

都唔知係乜嘢引起...

毛毛、狄狄身上發現蚤屎⋯

2018年4月25日（星期三）

毛媽幫毛毛、狄狄做日常親子檢查發現⋯身上有蚤屎，今次估計狄狄先惹上蚤患再傳俾毛毛，因狄狄有個惡習每次散步到唔願行或受驚⋯嗰陣就會瞓喺地下唔肯行⋯好大機會係咁惹上蚤患。

實情⋯毛毛、狄狄每日早晚都會落街散步，而防蚤程序包括金牌、蚤帶、防蚤噴霧、醋開水抹淨身體手腳，幾乎應做盡做（所以每日每次散步同散完步我就好忙），但都係難免中招...真係好無奈。

現在屋企人已經嚴陣以待⋯準備同蚤開戰⋯⋯

兩兄弟好難得齊影相...

毛毛凌晨嘔呀！...令人憂心嘅毛毛

2018年3月27日(星期二)

毛毛同狄狄每日嘅食物包括...正餐、小食，當中嘅食材、份量、種類、食法...都會受家人嚴格監察，事關知道食物對狗狗腸胃、皮膚都能引發敏感不適到時情況可大可小。

凌晨兩點幾...毛毛突然由憩睡變不安仲嘔吐，嘔吐物中有...蘋果、藍梅、木瓜、香蕉...，由其蘋果粒數量最多，仲係未經消化...

照我哋觀察估計引發毛毛嘔吐係與食材無關，可能份量太多不能消化導致...

毛毛：毛媽，我聽朝係唔係要禁食呀？

毛媽：你話呢？

毛毛：慘慘慘....

令人憂心嘅毛毛...毛毛注射「狂犬病預防疫苗」

2018年2月5日(星期一)

啱啱過去嘅週末(2月3日星期六)...帶毛毛到路環石排灣(業興大廈)打狂犬病疫苗，過程好快好順利。

呢兩日毛毛行為正常，冇太大變化，唯一就係毛毛近日長時間「睡覺」，朝早毛毛賴床、中午至傍晚一直都喺梳化瞓...夜晚第一時間返入睡房瞓覺，有人話天氣寒冷毛毛唔願多活動，而我就擔心係受「狂犬病預防疫苗」影響...

毛毛呢兩日成日都覺覺豬同傻更更...

毛毛...呢幾日...令人憂心嘅毛毛

2018年1月26日(星期五)

每次我哋出門焦點就會落喺毛毛身上，因為毛毛平日嘅生日習慣就會改變。

跟住幾日毛毛冇得落行散步，便便同尿尿毛毛都習慣落街解脫...所以大小便係難題，幸好我哋有位識照顧毛毛家務助理。希望冇乜太大影響...

唔知點解...呢兩日毛毛特別聽話...

毛毛兩星期嘅適應...令人憂心嘅毛毛

2018年1月15日(星期一)

毛毛轉食脫水生肉糧已經兩個星期...經細心觀察...毛毛好快就適應食生肉糧，健康亦都冇太大變化。

有所改變嘅係...毛毛好快就覺得肚餓、啲便便軟身咗、有時啲便便偏爛、健康大致上良好、一切都令家人滿意。

家人都準備花多啲時間觀察毛毛轉糧嘅變化...

準備「生肉」糧比「自家煮」糧簡單好多...

毛毛改食脫水生肉糧...令人憂心嘅毛毛

2018年1月6日(星期六)

家人認為狗狗食生肉糧係會健康啲，毛毛細個嗰陣已經嘗試食「生肉糧」，由於當時自己對生糧食用情況認識唔深、對食糧份量錯誤理解...不幸當時毛毛患上嚴重嘅皮膚病，轉糧令毛毛健康更差，體重瘦弱到見骨...亦都係令自己為毛毛最擔心嘅一次。

今次毛毛改食生肉糧都係為改善年紀大健康開始走波著想而改變，今次要提醒自己，不斷提高警覺、嚴密監察毛毛嘅健康、精神、食欲、體重、便便、尿尿...慕求轉糧成功....

毛毛一直都食「自家煮十狗糧」作為正常餐...

今次作出改變希望毛毛快啲適應，做個健康快樂嘅毛毛...

艱難嘅決定，困籠...令人憂心嘅毛毛

　2017年10月7日（星期六）

醫生話毛毛嘅脊椎病要多休息、要嚴格限制活動，最好方法係困籠...

毛毛由BB開始都未試過困籠，家人認為籠係俾毛毛休息嘅安樂窩，毛毛出入籠都係自願同隨便，有段時間毛毛好鍾意當我哋番咗工就會自己走入籠瞓覺，九年以來都冇將籠門關上。

我一直都覺得將毛毛困籠係倒退負面既做法，但為咗毛毛健康好令自己相信係做得對的。

初初毛毛都好唔習慣...

令我難忘嘅眼神...令人憂心嘅毛毛

2017年9月17日（星期日）

噚晚⋯當毛毛腰部痛到坐立不安嘅時候，我嘗試抱起毛毛換到另一個比較舒適嘅位置，當時毛毛發出狐叫仲想咬我，對望之間毛毛流露出一種⋯非常無助、極痛、失望、怒火同可憐嘅眼神，嗰一刻、嗰種眼神令我痛心、驚慌、難過、無奈、忘不了...呢種感覺我會銘記。

明白腰椎問題引發嘅嗰種痛感係有幾咁難受，只有坐或者瞓嘅姿勢及位置正確痛感先至會舒緩，若然痛感持續⋯咁實在是太痛苦了⋯⋯

今日中午毛毛行動有小進展...可能止痛藥生效...

毛毛小朋友，努力！加油！

毛毛要去睇夜急診...令人憂心嘅毛毛

2017年9月17日（星期日）

噚日夜晩毛毛梳洗之後入房瞓覺，毛毛都係瞓到同一姿勢好安靜，過咗一陣之後⋯毛毛開始氣速仲不斷更換睡姿勢，全身打震，垂尾行動生硬困難我相信係極痛嘅表現，情況一直持續到凌晨。

當時⋯我哋即刻帶毛毛去急診，毛毛見到醫生緊張到失禁，醫生幫毛毛做咗好多檢查⋯常規、超聲波、心臟、腎臟⋯⋯最後要幫毛毛打兩支針止痛......

毛毛返到屋企情況雖然好轉⋯但都要經過20分鐘藥力發作後先安然瞓著（可憐嘅毛毛），噚晚係令毛家擔心嘅一晚⋯慢慢長夜⋯可怕。

家務助理好有心機咁照顧毛毛食餐...

背上的紅點...令人憂心嘅毛毛

2017年7月15日（星期六）

今早帶毛毛散完步返室企⋯發現毛毛用後腳R背脊，當時我冇為意⋯但冇幾耐毛毛又不停咁猛R，今次發現令我吃驚⋯毛毛R到背脊流血，毛媽幫毛毛檢查之後就發現背脊有粒「蚊難」咁大粒嘅肉粒（肉粒之前已經有）紅晒周邊仲損晒流血，雖然情況唔係嚴重⋯但都好驚患處會惡化。

流血情況雖然受到控制...但周圍都好红...

毛媽大鬧毛毛一場，實情...家人只係太擔心毛毛...

毛毛散步路程的長度...令人憂心嘅毛毛

2017年7月14日（星期五）

前排毛毛腰椎再度（今次已經第四次）受傷之後⋯毛媽對毛毛日常活動管制得更嚴格，喺毛毛復原期間⋯除咗追、趕、跑、跳、企⋯之外仲有散步都有限制，唔可以作長路程步行（即係唔可以行山）。

我都好關心呢個問題，請教過醫生⋯而醫生建議：呢段時間最緊要毛毛肯自願行 1K～2K都冇問題。

實情⋯毛毛少咗運動會帶出好多問題，其中係過度活躍症，令家人覺得毛毛好百厭同唔聽指令⋯⋯

毛毛係聰明、活潑、忠心嘅小朋友...

毛毛又跳又企令家人激心

2017年7月3日（星期一）

毛毛腰椎痛已經完全康復，落街行路拖拉有勁，雙後腳彈跳力十足，但⋯醫生話：毛毛以後盡可能唔好用雙後腳企、唔好跳、唔好急停、如果毛毛肯行路散步⋯基本上每次行20分鐘都可以（重點係毛毛自發哋行）。

現時毛毛禁玩玩具、禁長程散步、禁玩爭奪遊戲⋯仲未解禁，日常生活毛毛行為出現非常活躍，追、趕、跑、跳、企⋯樣樣做齊，每次毛毛嘅激動、興奮行動都令家人擔...

小朋友本色嘅毛毛活躍度...到達頂峯...

毛毛康復了！...令人憂心嘅毛毛

2017年6月26日（星期一）

過去嘅星期日⋯帶毛毛去覆診，今日毛毛精神咗好多，醫生一見到毛毛就笑笑囗話：毛毛已經好番晒，唔使再食藥，唯一暫時唔可以做強烈運動，要多啲休息及要繼續照燈治療。

毛毛康復進度良好，多謝各位朋友嘅關心，大家可以放心喇。

毛毛聽見唔使再食藥即時好開心...

全晚都唔瞓覺嘅毛毛...令人憂心嘅毛毛

2017年6月25日(星期日)

凌晨...毛毛今晚好不安，全晚由鐵籠(毛媽旁邊)瞓咗一陣...就轉到對面咕𠱸位瞓(毛爸旁邊)，成晩都喺睡房行來行去...今次係今晚第三次...唔知發生乜野事，毛毛係唔係唔舒服呢？

宜家安心嘅係毛毛冇乜特別嘅行為表現，亦都非常安静....。

實情我擔心嘅理由...夜晚我同毛媽都喺房瞓時候毛毛(除咗有鼻寒聲)會瞓得好安靜，一晚轉幾次場好少有，呢幾日毛毛做緊...照燈、按摩、食藥、禁玩、静養...嘅治療，唔知係唔係咁樣影響呢？或者我想多咗？

毛毛小朋友你究竟係唔係舒服呀？

毛毛病情好轉...令人憂心嘅毛毛

2014年6月23日（星期五）

毛毛病情好轉...應該係好安心，但...我完全冇呢種感覺...

一星期前⋯發覺日常清晨散歩毛毛開始唔願意行，情況惡化得好快，見過兩次醫生，做咗全面檢查⋯最後醫生加強藥效，毛毛情況有好轉。

毛毛由唔願步行、到行得好慢、由我領行、自動自覺向前行、由毛毛領行、搶繩周圍行⋯一直咁進步，令家人放下心頭大石。

但我同樣好擔心，毛毛病咗唔精神嗰陣...驚佢唔知邊度有事，到毛毛健康番百厭嗰陣...又驚佢整嚫出事...

雖然每日我都有可能遇到意想不到嘅事要面對......

我未必處理得好，但我會勇敢面對...

治療程序...令人憂心嘅毛毛

2017年6月22日（星期四）

醫生講毛毛照x光片嗰陣都唔能夠做出指定動作拍攝，咁係正明毛毛腰部非常刺痛...

目前毛毛急需減輕痛楚嘅壓力，最直接方法⋯加強止痛藥效、照燈、按摩⋯舒援現狀，星期日再覆診。

令家人安慰嘅...毛毛肯乖乖咁接受照燈同按摩治療...

進一步檢查...令人憂心嘅毛毛

2017年6月22日（星期四）

毛毛昨晚覆診⋯當時我建議醫生為毛毛做進一步檢查，照x光、抽血檢驗，等咗十五分鐘⋯有結果......

毛毛驗血數據所有指標正常，照片結果正實係毛毛腰椎突出問題復發，結果需然唔太意外⋯但足以令我全家都好憂心。

毛毛第一次受傷嗰陣醫生有講過呢種病會經常復發，但今次嘅過程令我震驚⋯由毛毛只係唔願意步行...兩三日間惡化到便便、尿尿動作都有困難，我想咗好耐都唔知毛毛喺邊度、幾時、唔知點樣受傷⋯防不勝防，家人都唔知點樣針對呢種病喺毛毛身上再度出現⋯感到無奈，可怕。

等檢驗報告...焦急...又擔心...

腰椎問題...舊病復發...

病情無好轉...令人憂心嘅毛毛

2017年6月21日（星期三）

治療第三日⋯毛毛嘅病情毫無進展，目前毛毛已經冇散步，落街只係便便同尿尿，落到街⋯步行援慢、尿尿第起腳、便便座低嘅動作⋯都好唔順(好似好辛苦咁)。

我去完街返屋企⋯毛毛唔再撲過嚟歡迎我，只會瞓喺地下望實我......

毛毛咁嘅表現令我懷疑⋯病情惡化。

唔知毛毛唔舒服或者痛到乜野情度...毛毛表現精神良好