毛毛罷行停車場

2013年12月18日（星期三）

前兩日晨早就開始落雨又凍⋯帶毛毛散步就改行停車場⋯

第一日毛毛都算聽話⋯但第二朝開始毛毛就有啲不滿，成日都想行出街，到當日傍晚毛毛直頭罷行停車場⋯免強兜咗兩個圈，但毛毛淨係齋行⋯都唔知佢想點⋯

到最後我投降帶咗毛毛出街⋯毛毛一出到門口就即刻便便同尿尿⋯真係俾佢吹漲。

毛毛 : 毛爸，我哋今朝係唔係出街散步呀？

毛爸 : 阿仔，唔得呀...外面落雨又凍...

毛毛 : 毛爸，又要行停車場呀？

毛毛 : 毛爸，我 行停車場"吾"唔倒咖...

毛爸 : 好啦好啦...怕咗你喇...大少...

毛毛 : 我真係「大少爺」嚟咖...