毛毛都怕凍冰冰

2013年12月19日（星期四）

氣溫進一步下降⋯聽講今早只有7點7度。連少爺仔毛毛都唔肯走出睡房，出騎樓尿尿更加唔使講，咁⋯就証明咗係幾凍。

今朝毛毛唔肯出門⋯用零食獎勵又抱抱，好勉強⋯咁先一齊去散步，落到街只係行咗一陣⋯毛毛就扭計返屋企，真係冇佢符。

毛毛 : 毛爸，外面好凍喎...不如休息一日...唔出街囉。

毛爸 : 不得呀衰仔...你又唔出騎樓便便同尿尿...

毛毛 : 毛爸強權，凍冰冰都要我落街...無奈...

毛毛 : 行停車場阿少爺你...怕黑又怕臭，出街又怕凍...阿少爺仔，你啲要求都「好高」吓喎...