毛毛獨家表演

2014年1月6日（星期一）

今日黃昏帶毛毛出街散步⋯行到街口轉角位⋯突然聽到狗吠聲（唔知啲聲音邊個方向嚟），毛毛就狂吠準備作戰，我即刻抱起毛毛⋯閃電咁快有隻茶色唐狗喺我身邊跑過，毛毛爆操喪吠⋯

當時街上好多人，個個都望過嚟睇吓發生乜野事⋯周圍啲人你一句我一句，係啲狗打交⋯灰色貴賓少見呀⋯隻狗仔好惡⋯有冇打到呀！⋯狗仔個樣好過引呀！⋯咁似卡通熊嘅⋯毛毛就狂爭扎表現失控，啲人望實毛毛好似睇表演咁⋯毛毛認真出位⋯

毛爸 : 毛仔，頭先好英喎...好似我綁架你咁...出位...

毛毛 : 係咩？真咖？

毛爸 : 等陣我同你阿媽講...你仲出位呀！

毛毛 : 毛爸，你唔係咁冇義氣...爆料吓？