毛毛收埋隻「青蛙」

2014年1月8日（星期三）

好耐之前毛媽曾經有投訴過旁晚同毛毛一齊睇電視嗰陣受不明氣體侵襲（實情係毛毛放屁）。

有晚毛毛喺梳化陪我寫日誌⋯有啲怪聲！由毛毛肚仔度傳來微弱嘅⋯＂哇～哇＂聲、一時＂呱～呱＂聲⋯

毛爸 : 毛毛你係唔係收埋隻「青蛙」...

正當我要為毛毛檢查嘅時候⋯俾不明氣體侵襲⋯差啲暈低。

應該係毛毛腸胃消化不良引肚仔叫同放屁⋯呢晚就慘喇毛毛隻「青蛙」成晚叫⋯成個大廳都充滿不明氣體。

毛毛 : 毛爸，你唔好咁樣望住我呀...唔關我事咖...呢啲生理...問題我控制唔倒咖...

毛爸 : 毛仔，你都幾識瀉膊喎...

毛毛 : 我講真咖...「問責制」係關你事...

毛爸 : 衰仔，大我添...