蒸年糕⋯步步高陞

2014年1月19日（星期日）

記得細個嗰陣⋯每到年尾嗰幾日屋企就好熱鬧⋯啲阿姨、表姐一早會來到屋企幫嫲嫲同媽媽煮年糕，而整嗰啲唔知叫乜野名嘅年糕...過程非常煩覆⋯先開好粉⋯搓成球狀⋯再壓偏⋯放入煱糖水度煮⋯煮到軟身⋯成糊狀⋯放入熟油⋯用特製嘅木棒擂成糕⋯用啲淺身闊盤（直徑8cmX45cm）盛裝，而口感就好似食糯米糍咁，的糕擺幾日都保持軟身(神奇)。

今日屋企蒸年糕⋯毛媽大演身手將元貝、蝦米、臘腸加工、開粉漿、開爐⋯勁忙，我同毛毛一定要幫手啦⋯炒香配料、洗兜洗盤⋯咁毛毛呢？毛毛梗係幫手等執野食「執死雞」啦⋯。

今日廚房好忙好迫人（好享受呢種熱鬧忙碌嘅感覺）。

毛家 : 食年糕！食年糕！祝願各位年年"豐衣足食、步步高陞"

毛爸 : 毛媽至強...瑶柱、臘味蘿蔔糕...