毛媽嘅新搞作「餃子」

2013年4月5日(星期五)

一個星期前毛媽有提過話想自己試吓…包餃子，要買九菜、高麗菜(唔肯定係椰菜定兆菜，我兩種都買咗)加埋豬肉做涵。
我心諗…包餃子？攞块皮咖啲肉然後痴埋…完成，實情…毛媽自己打餃子皮、壓形、切碎啲菜同肉…一部份攞去煎一部份攞去煮，雖然唔算覆雜但一啲都唔簡單…

毛爸 : 用潮洲辣椒油伴食...味道好夾...

毛爸 : 煎香咗嘅餃子估唔咁軟身...

清明時節雨昏昏

2013年4月4日（星期四）

清明節係中國人祭祖嘅節日，記得細個嗰陣祭祖非常隆重，祭品有金豬（每房人1隻）、雞、鵝（每個大人1隻）、雞蛋（每個大人同小朋友1隻）、糕餅、生果（人人1份），我哋嘅家族好大我有三個伯父四個姑媽爸爸就排最細...八房人...堂兄弟姐妹、表兄弟姐妹（我估當時有6〜70人）連啲祭品要3架大貨車先至車得晒。
儀式...長輩頌經、爸爸、媽媽、小朋友倫流上香敬酒...禮成之後...長輩就分食物，大部份嘅肉類會即時切成小件...用竹制嘅平大筲箕裝住一份份，然後排晒喺地下擺滿成個廣場準備「食山頭」，我哋班小朋友就最開心，因為大家踎低圍埋一齊...有長輩帶領、唔使講規舉、徒手、鬥快、鬥多、冇限制任食...
呢啲大形家族祭祖活動唔知幾時喺印象中不知不覺咁忘記...

毛爸 : 新一代嘅後生都好注重「清明節」咖...因為係政府法定有薪假期，攞正牌唔使開工...

天公不做美

2013年4月4日（星期四）

呢幾日阿妹全家都出門旅行...遇啱今日工人又放假，本來諗住帶Coffee出去玩。
今朝出門嗰陣天色灰暗又雨粉粉，中午又要去探老爸...買糧油，咁...最後決定留Coffee喺屋企，今早陪Coffee玩咗一陣同陪佢食咗早飯之後我就走，我計劃晏晝再去睇Coffee，工人同我講下晝佢會返屋企...照顧完Coffee先再出去，夜晚返屋企再整晚飯俾佢食，睇嚟呢個係最好嘅安排。

Coffee : 舅父今日係唔係冇得出街玩呀？
毛爸 : 下次啦小朋友...

毛毛心聲...出街先至嚟落雨

2013年4月3日（星期三）

唔知點解越嚟越唔鍾意行停車場，由於我打咗防疫針...醫生話一個星期內唔可以沖涼濕身所以毛爸嚴格執行「落雨唔出街」。
噚日、前日、大前日...都係出街嗰陣就落雨，毛爸帶住我一係快啲返屋企一係行停車場，今日我喺停車場行咗兩個圈都便便唔到，毛爸就帶咗我去停車場出口嘅馬路...

毛毛 : 毛爸一准我出去...我就即刻便便...爽...

長跑準備...左小腿肌肉好痛

2013年4月3日（星期三）

今日啲雨都係落不停...又係要喺屋企做踏步練習，開始做熱身嗰陣感覺左小腿好痛，係噚日揪筋嗰隻腳。
因呢個情況我去請教啲前輩...聽佢地哋講...揪筋完之後要搽藥按摩小腳肌肉同好好放鬆咖，咁啲肌肉先快啲回復狀態咖，怪自己當時怕痛冇做任何處理...而家感覺小腿肌肉又緊又實又痛...

毛爸 : 雖然今日冇操練...粉絲毛毛照樣陪我做拉筋放鬆肌肉練習...

長跑準備...揪筋

2013年4月2日（星期二）

下晝落最大雨嘅時候就接到個緊急「柯打」要即時出外做野...打亂咗旁晚出去慢跑嘅練習計劃。
最後決定都係喺屋企做踏步練習，呢倫天氣好差又落雨又濕令體能狀態都處於低水平，今日仲心情煩燥...練習中...又附磅又加快速度，結果...揪筋了!
呢個過案教訓我凡事都要按步就班戒急戒燥。

毛爸 : 加埋肥仔毛嘅重量...最尾結果...係...開心嘅揪筋...

毛毛要打防疫針順便做身體檢查

2013年3月30日（星期六）

每年三月份毛毛都要打防疫針...今日約咗吳醫生...順便幫毛毛做個簡單全身檢查。
體重〜7•1Kg。
醫生：毛毛有少少中年發福，有少少肚腩，以身形比例...體重偏重但算健康。
牙齒〜左邊大牙有牙石。
醫生：毛毛啲牙仔算好乾淨，但幫毛毛擦牙就要多啲注意左邊大牙...啲牙仔好健康。
腸胃〜嚤唔到入面有野(便便同氣)。
醫生：啲便便軟身執得起，而且屙清晒啲便便...消化能力正常。
肌肉〜結實有力。
醫生：毛毛前腳同大脾強而有力係運動形...要注意平日要保持一定嘅運動量。
皮膚〜坑敏能力弱。
醫生：銀灰色貴婦狗因為近親繁殖所以佢地嘅皮膚健康係一大問題，而毛毛嘅皮膚坑敏能力好弱。
近棑毛媽喺毛毛背脊再發現4粒肉瘡（呢個發現令家人好擔心）。

醫生：除咗皮膚嘅問題...毛毛精靈健康仲好靚仔。