毛毛的體重危機

2013年10月3日（星期四）

自從毛毛晚餐轉番食「住家菜」之後...體重節節上升，毛媽為咗毛毛飲食均衡每一星期或者格一個星期會俾營養罐頭毛毛食。

不嬲毛毛腸胃弱...吸收能力都弱，一唔舒服第一個問題就係體重減輕，而且好難先長肉肥番。

但今次手術復原之後...改食住家菜之後...唔知乜野原因毛毛體重標升...仲有啲失控，毛媽已經落咗「減糧令」...

毛毛 : 媽咪，唔減糧得唔得呀？或者遲啲先減糧啦？

毛媽 : 衰仔...宜家就減你少少，如果你變肥仔嗰陣仲要你「禁食」添播。

毛毛 : 媽咪你講笑咋係唔係？唔係認真吓？

毛媽 : 咁就睇你喇...