毛毛：好嘢！我揾到喇！

2013年10月19日（星期六）

噚日旁晚…我哋俾咗幾個玩具毛毛玩，到收返嗰陣發覺唔見咗個玩具（網球），全家出動去揾…毛媽更落力哋揾到反轉全屋，唔知道㸃解…硬係揾唔番個網球⋯咁就不了了之⋯。

今朝毛毛玩完執波波⋯啲行為就估估怪怪，圍住梳化R地下…最後檢查先知…原來櫈底好入好入嗰度有個網球，就係噚晚轆咗入梳化櫈底嗰個網球…毛毛搵到喇！

毛毛 : 媽咪，我揾番個波波喇...好嘢呀！

毛媽 : 毛毛，叻仔...

毛爸 : 睇毛毛瞓晒身咁爬入梳化底揾網球就知佢幾咁興奮啦...真係可愛的小朋友。