毛毛心聲…夕陽醉了

2012年11月10日(星期六)

前日下晝毛爸帶咗我去橋頭公園散步影日落，去到嗰陣好大風。
呢個時間都有個驚喜…見番個朋友仔 “金毛小丙”，宜家佢大隻咗好多呀，唔使講互吠打招乎啦。
傾咗兩句我哋就走，但小丙瞓喺張櫈度唔行…伯母個表情就好愁，原來小丙已經玩咗兩個鐘都唔肯返屋企。
毛爸就好忙咁試緊部新相機…但到我哋走都唔見太 陽 先生出現，唔知係唔係太 陽 先生尋晚飲酒飲天光…醉咗起唔倒身呢？

毛毛 : 好大風呀~不過勁舒服...
毛爸 : 毛仔小心呀~下面係海嚟咖...