殘奧

今晚體育盛事殘疾人奧林匹克運動會開幕，我呢個運動迷更係支持啦。多得同事拍檔小西捱義氣幫我頂時間，我先可以早啲返屋企睇電視。

殘奥開幕式同奧運不遑多讓…運動員開始進場，我見到好多運動員都坐輪椅、有啲手同腳都安裝左義肢。佢地俾我地啲健全人要付出更多嘅時間、努力、犧牲，仲要克服旁人奇異嘅眼光。佢地能參與殘奧，我自己非常佩服佢地。 “同一個世界，同一個夢想”，佢地個夢想對於我呢個健全人黎講簡直係神話，一啲都唔簡單。

表演開始有個肥仔哥哥唱歌…我只可以用 “佢嘅歌聲震撼左我嘅心窩” 來形容佢嘅歌聲…感覺好好聽，個心好平靜。另外有一幕有好多卡通小朋友一齊表演，好有生命力…好精彩…我會為佢地打氣…為英雄喝彩…努力…加油……