我呢兩日好開心呀，有毛媽、毛爸陪住我，又唔洗鎖入籠，玩到攰就地訓覺，喺木板訓覺好舒服架。最開心嘅喺毛媽整左啲又黃又白嘅食物俾我食...好好食呀，毛爸話嗰啲野食叫 “南瓜雞肉”，勁好食，多謝毛媽。
毛媽又幫我洗白白，仲攞個紅色野整啲熱風吹乾我啲毛，但啲風好熱，整到我好唔舒服呀。
唔知點解毛媽話要同我度身高、身長、頸圍，胸圍、腰圍，又話要磅體重。跟住同毛爸吟吟尋尋，又話食左啲乜野…天然狗糧…又話我肥…又話似肥仔毛爸…都唔知佢地有乜陰謀。
今日又俾毛爸鬧啦…因為我跟住毛爸出走廊倒垃圾嗰陣，我同隔離屋個姐姐打招呼。毛爸話我嚇親人地喎……佢又唔話個姐姐細胆…淨係識鬧我…狐…狐…狐…
沒有留言:
張貼留言