電聯

今朝我訓晏左，七點十分先起身。毛毛一見我，瘋狂擺尾，我同毛毛玩左一陣，太太起身。

今日太太要去皇家獸醫診所攞藥，本來帶埋毛毛去磅體重配藥（唔洗磅都知你重左啦！毛毛），太太喺屋企同毛毛磅過有成五磅重（成兩個幾kg）。

夜晚收工返到屋企，太太同我講毛毛今日好百厭 “家法”都咬爛埋（報紙捲成嘅棍用黎體罰毛毛嘅）。

今晚要同毛毛剪耳毛（體罰 + 零食先至完成）。毛毛都係時候訓覺喇………

冇耐毛毛喺籠度狐叫同狂吠（以前未試過係咁），太太喺廚出黎問：肥仔，毛毛吠乜野？

肥仔：唔知……

太太：毛毛乜野事呀？唔准吠（太太大聲鬧毛毛）………

我聽到外面有狗吠聲，我明白點解…毛毛同啲friend電聯緊……