便飯

四月份第二日放假，公司工作氣氛唔好，搞到壓力好大。阿BOY走左屋企又平靜番。今日太太有飯局我成日都係一個人，所以約左阿強中午食飯。由於時間關係我提議阿強黎屋企作客，佢好開心一口應成。我準備左燒豬手、秘汁豆角、豬骨時菜湯、白飯任裝、生果、飲品、烏龍茶、任飲任食。

中午一點阿強上到黎我地就開飯。飯、菜、湯、茶全部掃晒，食飽飯傾左一陣偈，阿強話要返工。走喇！臨走同我講：余生下次食飯叫埋阿宏，佢都係o係呢邊做野架。

余：好呀…

強：余生好耐都冇一齊咁開心食飯喇…(我覺得佢開心左，冇左工作上o既憂慮)

余：我經常都叫你同我食飯啦。

強：其奇實我係話我好耐都冇食過住家飯喇。多謝呀，余生…

余：便飯啫…鐘意就下次再黎o羅。

我日日夜晚o個餐都返屋企食住家“便飯”……同屋企人一齊食飯，好幸福呀!!!!