要求

第七日，阿BOY開始對我地有要求。佢要成日都陪佢玩，尋晚散完步鎖佢入籠，佢乍嬌，要我放佢出黎玩。後來我同佢影左好多相，玩左一陣。

阿BOY知道我同太太都好關心佢，或者佢主人對佢冇咁關心。冇辦法啦，人地先至係佢真正主人。

今朝一早我一個人帶左阿BOY出去散步。今日係星期六，太太放假，同平時一樣瞓晏o的先起身安排買餸買早餐食。返到屋企就放阿BOY出黎玩，可能阿BOY玩得太開心 (過左龍)，居然對太太不敬，好惡咁大聲狂吠。我都係鎖佢入籠，佢又“狐”叫喇，真可憐。