毛毛變左發＂毛（霉）＂嘅狗狗

2013年11月7日（星期四）

今朝帶住毛毛散步行過麵包店⋯遇到一位帶住小妹妹嘅後生媽媽買咗麵包行出嚟⋯

妹妹：媽咪我要收埋啲包包慢慢食。

媽咪：啲麵包唔可以收埋咁耐咖，會變壞咖。

妹妹：壞？壞咗會點咖？

媽咪：包包會發 "毛"生啲黑色毛毛出嚟…食咗會肚痛咖。

妹妹：黑色毛毛？（好懷疑）個妹妹見到毛毛就指住毛毛⋯

妹妹：媽咪，妳睇佢生咗好多黑色毛毛呀⋯佢發 "毛"壞咗喇...

位媽咪好無奈咁同我對望⋯之後大家狂笑⋯

毛毛 : 個妹妹真係冇眼光...我哋灰色(發霉色)先至係「貴族」呀，冇啲常識...

毛爸 : 係喇係喇...唔好嬲喇大少爺...小妹妹佢唔識啫...

毛爸 : 好鍾意小妹妹嗰種 "童真"好可愛...