公幹...廣州一日行

2013年8月10日（星期六）

今朝7點就要出門...約咗佬闆、同事喺關口等，搭8點25分班高鐵上廣州公幹（學溶纖同運部溶光纖機返嚟澳門）。
由於即日來回時間上都幾趕...要去目的地要搭高鐵、地鐵仲要轉4次車，但實情唔係咁煩，比想像中更方便。高鐵〜快速（時速保持198公里）、穩定、準時、入閘提示廣播清楚，地鐵〜綱路完善、轉剩方便。
以前一日冇可能來回嘅事，今日可以輕輕鬆鬆完成仲有時間食餐豐富嘅午餐同參觀花鳥巿場。

毛爸 : 廣州南站好大好大...真係大開眼界...

毛爸 : 高鐵車票唔算貴車程只需 1小時15分，地鐵最高收費7蚊人仔。

毛爸 : 候車地方好大...冷氣同人既態度就差啲...