毛毛心聲…好驚

肥仔毛爸尋日晏晝帶左我去一個神秘嘅地方，去到嗰度我好驚唔敢行。嗰度有好多草、好多長椅、好大個空地、仲望到好大個海架，不過個地下晒到好熱好唔舒服。

我緊張得滯失禁添。毛爸冇閙我，仲走去執返啲便便同用水清潔啲地方。原來毛爸帶埋啲報紙同水，仲有我啲零食添。

毛爸幫我影左好多相，又獎我好多零食（其實毛爸想我望鏡頭，俾佢影相同跟佢行）。

毛爸：毛毛，你做乜野唔行呀？行啦…行啦...

毛毛：肥仔毛爸，你知唔知地下好熱呀，我行唔到呀….你試吓唔着鞋，睇你行唔行到…..