毛毛

呢排經常都同雨水打交道 (已經落左半個月雨喇)。尋晚太太好認真咁同我講….

太太：肥仔我今個禮拜六或者禮拜日會接隻狗狗番黎。

肥仔：下… (我未有心理準備喎)。

太太：係狗仔黎架，依家狗BB o的毛係黑色，大左就會變灰色架。

肥仔：狗狗幾大架？o係邊度出世架？有冇出世紙架？

太太：過左上個禮拜一就岩岩三個月大，個名叫 “矇矇”，北京出世架 (I...I...I...was born in Beijing)。o係屋企出世邊有出世紙架，狗狗黎到我地改佢個名叫“毛毛”好唔好呀？

肥仔：個名都OK，我要設計張出世紙俾佢。

太太：肥仔要整個籠喇，仲要墊高個籠呀，個賣家話狗狗怕潮濕好易病架。

肥仔：妳有冇常識架？個籠底有膠盤仲墊左報紙，籠入面墊毛巾，屋企鋪左木地板，我地住o係十二樓高仲邊有濕氣呀？

有時好唔明太太佢點諗野架，應該重視o個o的冇理過，無關重要o個o的就

執著到癲，見到太太咁投入都唔忍心潑佢冷水…(肥仔…你好凄涼呀)