家裏沒有寵物（狗狗）的人不會明白

2019年3月14日（星期四）

有冇朋友有咁嘅經驗呢？⋯⋯
自己感冒發燒病了全身肌肉痠痛情緒低落非常之唔舒服⋯而家人要上班⋯剩低你一個人十分孤單（期間為被免傳染同滋擾家人我搬出大廳瞓），到深夜你狂咳嗽到瞓唔著又怕嘈醒家人，但⋯你不停嘅狂咳令家人驚醒之外⋯更對你有意見，使自己好內究。
呢啲係我過去三個幾星期面對嘅問題，呢段時間只有毛、狄兄弟陪伴我，好難相信呢段時間毛、狄兄弟突然間生性乖咗，兩兄弟夜晚一齊出廳陪我瞓，唔介意我咳到嘈住佢哋瞓、唔介意我壓住佢哋瞓(夜晚我去廁所兄弟都跟出跟入)，唔明白點解佢哋會變成咁，好多謝毛、狄兄弟⋯⋯難怪全家人一直都咁愛錫毛、狄兄弟。

好可愛嘅毛、狄兄弟

十五個月大嘅小狄狄

2019年3月12日(星期二)

時間飛快……狄狄喺毛家生活咗一年，過去十二個月狄狄由周圍大小便、對食物抗拒(食種種嘅糧都嘔)、冇安全感、過渡活躍……種種行為上嘅問題到現在都成為過去。

狄狄現時識去指定地方便便尿尿(唔使一定要落街) 、飲食正常(冇再嘔吐) 、每日期待落街散步(早、晚共行約３公里)…小狄狄雖然仲有同毛毛哥爭玩具玩、愛跳躍、愛咬毛媽嘅衫褲、對家人非常熱情(由其係工人姐姐)……但整體生活、行為、習慣…都有好大嘅進步，我自己就希望狄狄能夠保留番活潑、破壞皇嘅個性。

小狄狄好百厭...但非常可愛

毛毛嘅改變係唔係正常？

2019年3月12日(星期二)

自從(2018年3月1日)小狄狄成為毛家家庭成員之後…毛毛行為上有好明顯嘅改變，毛毛對家人特別熱情、好聽話、好有紀律……。

直到最近毛毛有另一種改變…愛瞓覺(比平日瞓得更長時間) 、經常發脾氣、仲會咬人(以前好少會咬人)……。

有朋友話狗狗年紀大咗脾性多多少少都會有啲改變，但我心想毛毛咁嘅改變係唔係正常呢？

毛毛冇改變嘅係「開心表情嘅樣」

狄狄見謝醫生

2018年11月6日（星期二）

狄狄因為嘔吐要見醫生，謝醫生要求先要了解狄狄日常生活、玩、食餐、食物種類⋯⋯。

最後要做長細身體檢查、骨骼、體重（4·8kg）、探體温（39度）、便便化驗⋯⋯等等。

結果⋯狄狄身體肌肉結實、腸胃細菌平衡⋯⋯所有檢查結果顯示十分正常。

謝醫生總結⋯狄狄嘔吐只係個別事件，原因可能係狄狄每日都會食生肉脫水糧、狗糧、零食、自家煮糧、水果⋯食得多樣化有時會有機會引起腸胃唔舒服，只要食物方面注意份量同種類就可以解決。

謝醫生更建議：狄狄再長多啲肉同體重再重少少就會更靚仔同更健康。

狄狄見謝醫生嗰陣驚青到震，見完之後就好開心輕鬆...

心酸酸⋯擔心

2018年11月5日（星期一）

中午，毛毛、狄狄同平日一樣⋯⋯玩玩具15分鐘休息30分鐘⋯⋯食餐，之後瞓晏覺。

1小時後⋯⋯我發覺狄狄喺籠入面行為古怪，籠內兜圈、用個咀氹氹轉咁推鋪喺籠入面條毛巾，我覺得好奇怪走埋去睇，原來狄狄喺籠入面嘔（嘔晒份午餐），仲想將嘔吐物埋喺毛巾下面，我睇到咁嘅情況真係擔心，同狄狄眼神接觸⋯⋯佢好似覺得自己做咗件大錯事咁，睇到佢眼神充滿驚怕，可憐嘅狄狄小朋友又要涯餓喇⋯⋯令人心痛。

狄狄小朋友好細膽，事事都好驚青...

毛毛、狄狄清晨嘔吐

2018年6月28日（星期四）

幾日前嘅清晨⋯俾啲奇怪嘅聲音驚醒，毛毛作嘔⋯而嘔嘅動作持續半分鐘，好辛苦咁嘔咗一啖「帶黄色泡沫嘅口水」，之後毛毛就一切正常番好似乜嘢事發生過咁。毛毛好似知道咁如果佢再嘔吐⋯毛媽就會下令要毛毛「禁食」。

呢個情況隔日又再發生，為咗呢件事毛媽搜集資料結果⋯狗狗胰臟發生問題會係咁嘅症狀，現在只有細心留意觀察。

狄狄幾乎同一時間發生同一問題，但嘔吐物係「帶白色泡沫嘅透明水」，想像唔到兩兄弟點解同一個清晨一齊嘔吐，更令家人聯想唔到兩兄弟點解嘔吐嘅共通點⋯⋯全家都十分擔心。

都唔知係乜嘢引起...

狄狄：哈佬喂

２018年10月31日（星期三）

每年嘅萬聖節我都會幫毛毛裝扮，影一輯鬼怪嘅相應節。

今年比較特別⋯攝影器材壞晒，電腦又壞咗、照顧狄狄仔好忙分唔到身⋯⋯所以冇做仼何應節嘅事，以上嘅事都係借口，實情係忘記咗。

至於真係特別嘅事就係狄狄第一年同我哋一齊過萬聖節，狄狄小朋友唔使裝扮已經係似隻魔鬼⋯⋯萬聖節快樂呀！

狄狄：哈佬喂！祝大家萬聖節快樂呀！