毛爸毛媽毛毛豬

2015年4月10日星期五

雨勢太密了！

2015年4月11日（星期六）

雨⋯整晚不停咁落⋯到清晨⋯雨勢仲係好密⋯氣溫只有16度又凍又濕。

仲係帶住唔舒服嘅身體幫毛毛裝身出去散步，毛毛一見落雨就一支箭咁標出去玩，雨勢唔係想像中咁大，毛毛玩得好開心...但咗一陣就主動拉我返屋企，實情我手濕透同凍令我狂咳⋯我已投降。

毛毛：毛爸，落雨喎...點呀？係唔係落街啫？

毛爸：係呀，少爺...換咗衫先啦，你唔係落去玩水詳？

毛爸：嗱～出發喇...

毛毛：毛爸，玩夠喇...我哋返屋企食大餐喇...

毛爸：咁快？你啱啱便便完...

2015年4月9日星期四

momo心聲...毛爸失常？

2015年4月9日(星期四)

傍晚…由於毛爸卦住瞓覺唔陪我…我自己走咗入書房玩…仲發現一件毛爸叫佢做「手指」嘅野，我擔咗出廳玩…我估呢樣野應該係好好玩。

家規講明…除咗玩具其他所有物件都唔可以擔嚟玩…但…今次毛爸除咗冇鬧我之外仲有得獎勵…毛爸痴咗？

毛毛：毛爸係唔係要罰我呀？我亂咁擔野玩...

毛爸：唔會...你好叻...幫我揾番隻手指...

毛毛：呢樣野咁重要嘅咩？

未食五月糭寒衣未入櫳

2015年4月8日（星期三）

噚日天氣報導講今朝會轉冷⋯毛媽臨瞓之前已經幫毛毛著定衫...

今早真係好涼好大風，聽天文台講溫度同噚日相差 6 至10 度仲會落雨。

細個嗰陣經常聽長輩講「未食五月糭寒衣未入櫳」端午節之前天氣係相當反覆，宜家我明白⋯原來中國古代啲人一早就知呢啲係自然現象⋯真係有智慧。

毛毛：等毛爸著番件衫去街街喇...

2015年4月8日星期三

新請嘅家務助理＂珍尼＂

202015年4月8日（星期三）

原為我家服務嘅家務助理＂潘美那＂因為証件關係回國續期而不獲簽發出境，事情拖延咗 1 個半月⋯工人無奈咁向我哋請辭。

現新請嘅家務助理＂珍尼＂相處兩星期後嘅初步結論⋯珍尼係嗰種遲頓嘅人，好彩佢會照「柯打」辦事⋯當然搞衞生搞清潔算係交足功課。

至於珍尼照顧毛毛嘅心態真係信心爆棚，佢以為平日抱下毛毛同錫佢⋯餐前同毛毛玩下執波⋯就完成任務⋯咁似乎簡單咗一啲。