毛爸毛媽毛毛豬

2013年3月4日星期一

醒目蠱惑嘅毛少

2013年3月5日(星期二)

平日我哋夜晚飽飯之後…毛媽睇電視、打機，我就會同毛毛玩追、跑、角力遊戲。
噚晚我坐喺按摩椅睇電視…有啲奇怪…毛毛主動撩我玩，咁…我就起身坐落地下同毛毛玩，但毛毛一個箭步就走上按摩椅瞓低…跟住就唔理我撩佢玩都冇反應，我終於明白…毛毛係想我壤位，毛少真蠱惑…吾係…醒目就真。

毛毛 : 凍冰冰...梗係瞓喺暖粒粒嘅毛巾上面最舒服啦，玩？你儍嘅...

分享過網友嘅 “善待你的寵物” “貓狗不如” “痛不欲生”…等等嘅文張之後實在令我心痛及不安。
佢哋都有一樣共通點就係指出 “部份現代城市人對於人類以外嘅生命唔識尊重，而更對嗰啲生命作出十分兇殘對待”，我唔打算講養寵物狗狗係帶俾你幾咁開心同熱鬧，若然你嘅心唔能夠容納其他生命，咁…請你想一想…如果你不能給它關愛，請至少不要給它傷害。
我哋"對動物有情不只是出於惻隱，更相信動物與人同是寶貴生命，他朝君體也相同。"

毛爸 : 毛毛係我哋嘅家庭成員...

2013年3月2日星期六

毛毛心聲…「利是」錢

2013年3月3日(星期日)

毛爸無意中攞咗我啲「利是」出黎計數，嘩…今年豆咗好多利是呀…肥仔喇。
我見毛爸一路數一路陰陰笑…我估毛爸一定想和平佔有啦。
其實我啲利是錢最大嘅用途係母親節買禮物俾媽咪…講起禮物上次母親節我用晒啲利是錢先買到個「唉瘋」套俾媽咪做禮物咋…真係有啲不孝。

毛毛 : 買乜野禮物俾媽咪係毛爸主意...仲成日話我啲利是錢唔夠佢要包底(我估毛爸實係勁「打斧頭」啦)...

去私家地方散步

2013年3月3日(星期日)

郊野公園有個入口近住我入油嘅油站，今朝架車要入油順便車埋毛毛上去散步。
公園入口附近有個屬自來水公司私有嘅小廣場…環境清幽開陽…地面係石佳磚砌成…有好多石做嘅長櫈可以俾狗狗同主人休息，好適合狗狗去玩同散步，地方週圍舒服清潔乾淨...

毛爸 : 廣場平時冇人咖...我帶過毛媽毛毛嚟過幾次...

毛毛 : 廣場中間有個圓形嘅舞台...我吠嗰陣有好大聲回音咖...毛爸話聲音3D喎...好得意呀...

毛爸 : 毛毛玩得好開心...個儍仔成日跳上啲長櫈同跳入草地跑咖...

毛爸 : 狗主就要注意狗狗嘅便便同尿尿喇唔好破壞人哋嘅地方喇)…

2013年3月1日星期五

新年團拜飲飲食食

2013年3月1日(星期五)

今日係同班老友「新年團拜飲飲食食」嘅日子，今年選擇咗食泰國菜。
其實每年農曆新年期間我哋一班人都約埋一齊飯局傾計談心，今年嘅話提好特別「運動」，更加因我個人心願「跑馬拉松」成為爭論點，而分為正方-丈夫團(顧及我心願及感受為論點)、反方-太太團(擔心我體能及身體健康為論點)，我一句妳一句…氣氛熱鬧搞笑。
原來雙方都係為我健康同感受著想…真係令我開心又感動。