訣失了一角

2017年2月4日（星期六）

今朝⋯因為要過香港而更換銀包嘅貨幣，期間⋯我將一疊澳門錢（壹佰同伍佰蚊紙）大意咁放喺枱面就行開咗...

過咗一陣⋯就聽到毛毛好開心咁喺大廳度跑來跑去，仲聽到毛毛咬紙嘅聲音，我行出廳⋯睇到嘅係⋯滿地銀紙同紙碎⋯

噢～No今次真係銀紙滿屋囉，仲見到毛毛咬緊疊伍佰蚊紙，當時我行近毛毛叫停時候⋯毛毛以為我同佢玩周圍跑仲好急咁吞咗啲銀紙碎...

最後結果⋯除咗有一張鿉百紙少咗一角之外，其他嗰啲都可以完整痴番⋯真係夠運。

講真...小朋友犯錯大多數都係啲大人太大意...

毛毛患處冇晒紅色點，但皮膚好乾

2017年2月3日（星期五）

今朝幫毛毛檢查大腿⋯紅色點已經消失，但患處皮膚好乾，好似乾到有啲甩皮，毛毛由開始到噚日為止毛毛都搽藥帶喇叭頸圈，睇宜家嘅情況毛毛可能仲要多帶兩日喇叭頸圈......

雖然明知毛毛好快會好返，但硬係有啲唔放心⋯心情緊張...無奈。

啱啱幫毛毛檢查完腳仔復原情況好好，相信好快會好返晒...

跑、跑、跑⋯

2017年2月3日（星期五）

1月中⋯⋯老闆開始俾我放年假，過去嘅3星期⋯雖然有天氣影響⋯但我都冇停止到操練（踩單車、跑步），好耐都冇試過咁嘅情況⋯滿足，多謝老闆。

好多朋友都問我⋯點解你咁鍾意跑步同運動呢？...我答：我唔知。

實情係⋯一種感覺，或者係一種追求，又或者係遺傳⋯父親係運動健將係短跑好手，我身邊嘅幾位表哥都係運動愛好者，業表哥係健身同單車手，禮表哥係赤腳跑手，強表哥玩中國武術⋯我細細個就喺運動氣氛濃厚嘅環境成長，咁⋯我鍾意運動應該係理所當然⋯⋯

跑步為我帶來心情愉快嘅感覺...

而另一種效果就係...攰同痛，但呢種感覺會令人心思思

雞年大年初七⋯人日，生日快樂呀！

2017年2月3日（星期五）

大年初七⋯「人日」即係⋯你、妳、我、他、她、嘅生日，生日快樂呀！

傳說今日係天神制做人嘅日子⋯所以今日係所有人嘅生日。

我祝福大家，生日快樂、身體健康、心想事成、恭喜發財⋯

雞年大年初六⋯⋯送窮日，送走晒啲窮鬼呀！

2017年2月2日（星期四）

大年初六⋯祝大家，時來運轉、一帆風順⋯⋯

喺中國民間流傳今日係「送窮日」，由唐朝開始盛行，所為送五窮係⋯智窮、文窮、學窮、交窮、命窮...寓意送走五窮接財運...

我祝大家，運轉乾坤、鴻運當頭⋯⋯

富貴齊來、恭喜發財

毛毛心聲...豆「利是」

2017年2月1日（星期三）

恭喜發財！利是豆來！

毛毛祝大家，財源廣進、五福臨門、家肥屋潤、恭喜發財！

講開又講⋯今年因為天氣唔好，我大肶又紅晒⋯要搽藥帶喇叭頸圈，冇去拜年豆利是⋯只係豆咗毛爸同阿姨嘅利是，媽咪嗰封仲未豆，所以只得兩封，成績麻麻⋯

不過毛爸話唔緊要，今日我毛毛接財神，聽日就會豆到好多利是⋯⋯

今日毛毛祝願各位朋友快啲接到財神，豆多啲利是、心想事成、恭喜發財！

恭喜發財！利是豆來！

雞年大年初五⋯財神到！接財神呀！

2017年2月1日（星期三）

今日係大年初五⋯祝風生水起、財源滾滾...

傳統上今日叫「破五」，破舊立新，今日亦都係「財神爺𧩙辰」，迎接財神嘅日子⋯⋯財神到！

恭祝大家⋯財源廣進、金銀滿屋、家肥屋潤、恭喜發財！

財神到，財神到，財神到，好走快兩步...

財神話，財神話，財神話，揾錢依正路...

大家接財神呀...