2011年3月28日(星期一)零晨
一早俾個鬧鐘嘈醒，零晨三點嗱嗱林梳洗完就執埋行李落酒店大堂，嘩…咁早已經人山人海，個個人都拖住大件細件行李迫上機場巴。去到機場航空公司櫃位...見到人頭湧湧好似等 "派米"咁.....
嘩...人山人海，原來登記服務4:30先開始，咁即係又遲飛喇...我地入左閘之後登機處有免費早餐食(今朝第一餐)，上機嗰陣仲落緊雨...飛左一個鐘，飛機情况同尋日一樣強烈震動下安全降落...全機乘客拍爛手掌。由到達開始雨就未停過....
銅銅 : 蘇梅島...我地黎喇...
蘇梅機場環境落緊雨都一樣好靚...有陽光就更加唔駛講...
行李認領處非常開放....天井有個小花園，行人通道好有特式，洗手間有缸好靚嘅海魚...
一睇銅銅就知佢係幾咁開心...但係又開始落大雨...
航空公司送俾客人嘅早餐卷...值150匹咖...
我叫呢個美式早餐價錢啱啱好150匹...(今朝第二餐)
嘩...咁多人走埋去...有野派咩?
真咖...真係派電話咭...不過要你自己俾錢充值...
我地喺機場等左個幾鐘...等酒店安排車黎接我地...
呢間就係我地住嗰間酒店...啲雨又大番...
2011年3月26日(星期日)下晝
咁…大家就等航空公司安排過海關、攞行李、搭巴士去酒店...
服務員通知…聽日零晨5:00鐘機大家3:30要到機場Check in…。
返到房冲完涼跳上床己經係深夜十二點幾，最慘 都係 太太又攰又眼瞓，聽朝仲要晨早起身…
航空公司安排乘客入住機場酒店...大家都冇心情去留意咁靚咁大嘅酒店大堂
好靚嘅泰國蘭花...
特別單色效果(Canon G12)
好靚嘅木刻擺設...
原來擺設係一對咖...
好快就零晨3:00~
2011年3月27日(星期日)上晝
今日我地由12:30開始出門去搭船過香港、搭4:55班機飛 "蘇梅島"….
大家喺香港機場好開心食午餐等登機...
飛機3個半鐘之後飛到蘇梅島上空…當地天氣極壞落緊大雨，長機宣佈由於天氣差延遲25分鐘降落仲向乘客道歉。
我地搭嗰隻機只係可以坐百幾人...
飛左一陣就感覺到飛機強烈震動…情况持續十幾分鐘，飛機準備降落…向下滑行，機身仲左右強烈搖動…突然間又急速向上爬升，當時全機都冇燈同冇聲(淨係着左出路燈)，如是咁兩次…跟住機長宣佈天氣太差放棄降落改飛曼谷機場。
機長宣報改飛曼谷機場降落...全機乘客都...嘩嘩聲...
後尾聽啲空中服務員講 : 蘇梅機場落太大雨跑道水浸而機長睇唔清楚跑道(因為機長唔肯博，又未退休有乜 "冬瓜豆腐"就會冇得撈)。
實情...機長盡責任，勇敢同决斷值得一讚...多謝晒你呀機長！
咁…大家就喺曼谷機場等航空公司安排....
毛爸 : 大自然嘅無窮盡威力...人類只有接受同無奈...
2011年3月25日(星期六)
今日星期六又要帶毛毛去訓練場受訓…薛Sir話今堂係初級班最後一堂，今堂要學嘅野係主人要帶住狗狗同其他人一齊影相，仲要指令狗狗獨自同陌生人一齊影相…
毛毛當然又係示範動作學員啦，唔知點解毛毛今日做示範動作好唔專心同唔穩定，俾阿Sir話 “毛毛你今日乜野事，你今次冇進步喎”，不過整體上都算合格...
記住我地要求係要狗狗表現穩定，所以返到屋企就要 “多啲練習”…呢句說話梗係同家長講咖啦…
毛毛 : 我Pass左....
毛毛 : 我個朋友仔毛毛B第一次參加...
毛毛 : 阿Sir都話我得咖...
毛毛 : 我就係喺呢個環節俾阿Sir扣晒分...
毛爸 : 影前、影後...
毛毛 : 列陣...我冇難度...
毛毛 : 梗係要同阿Sir影番相做紀念啦...
